• Miraton të gjitha rregulloret e Bankës Qendrore të Republikës së Kosovës dhe të mbikëqyrë zbatimin e politikave si dhe përmbushjen e detyrave të BQK-së;

• Miraton rregulloren në lidhje me masat emergjente të likuiditetit, të propozuar nga Bordi Ekzekutiv sipas nenit 36, paragrafi 1.8 të Ligjit për Bankën Qendrore të Republikës së Kosovës;

• Miraton emërimin e Shefit të Auditimit të Brendshëm me rekomandim të Guvernatorit;

• Emëron Zëvendësguvernatorët me propozim të Guvernatorit;

• Emëron Sekretarin e Bordit të Bankës Qendrore me propozim të Guvernatorit;

• Miraton buxhetin vjetor të Bankës Qendrore i cili në mënyrë specifike duhet gjithashtu të përfshijë miratimin e një plani të kompensimit vjetor për të gjithë punonjësit;

• Përcakton politikat kontabël të Bankës Qendrore dhe të aprovojë Raportin Vjetor si dhe raporte të tjera dhe deklarata financiare të Bankës Qendrore;

• Emëron Auditorin e Jashtëm të Bankës Qendrore;

• Vendos nëse Banka Qendrore duhet të marrë hua dhe i përcakton kushtet për hua të tilla;

• Sipas rekomandimit të Bordit Ekzekutiv, përcakton strukturën organizative të Bankës Qendrore, përfshirë themelimin dhe lokacionin e zyrave dhe objekteve të operimit;

• Miraton rregullat për procedurat e Bordit të Bankës Qendrore; dhe

• Ushtron detyra dhe kompetenca të tilla të cilat i jepen nga ky Ligj apo ndonjë ligj tjetër.