Detyrat e Bankës Qendrore në përmbushjen e objektivave të përcaktuara sipas ligjit në fuqi:

Sistem Financiar Stabil

Objektivi parësor i Bankës Qendrore është të nxisë dhe të mbajë një sistem financiar stabil, duke përfshirë një sistem të sigurt, të qëndrueshëm dhe efikas të pagesave.

Stabiliteti i Çmimeve

Objektiv shtesë i Bankës Qendrore i cili i nënshtrohet objektivit parësor të saj, është të kontribuojë në arritjen dhe ruajtjen e stabilitetit të çmimeve vendore.

Mbështetja e Ekonomisë

Pa paragjykuar arritjen e këtyre objektivave, Banka Qendrore mbështet politikat e përgjithshme ekonomike të Qeverisë.

Ekonomia e Tregut të Hapur

Banka Qendrore vepron në pajtim me parimin e ekonomisë së tregut të hapur me konkurrencë të lirë, duke favorizuar shpërndarjen efikase të resurseve.

Bordet dhe Guvernatori

Bordi i BQK-së

Sipas Ligjit për Bankën Qendrore të Republikës së Kosovës, Bordi i Bankës Qendrore përbëhet nga Guvernatori dhe katër (4) anëtarë joekzekutivë, të cilët ngarkohen me detyrën e aprovimit dhe mbikëqyrjes së zbatimit të politikave, si dhe mbikëqyrjen e administrimit dhe të aktiviteteve të Bankës Qendrore.

Lexo më shumë

Bordi Ekzekutiv

Bordi Ekzekutiv përbëhet nga guvernatori, si kryesues, si dhe nga zëvendësguvernatorët dhe janë të ngarkuar me zbatimin e politikave të Bankës Qendrore dhe të operacioneve të saj. Për numrin e zëvendësguvernatorëve vendos Bordi i BQK-së në bazë të propozimit të Guvernatorit. Aktualisht Banka Qendrore ka tre zëvendësguvernatorë.

Lexo më shumë

Guvernatori i BQK-së

Guvernatori sipas Ligjit për Bankën Qendrore të Republikës së Kosovës shërben si kryeshef ekzekutiv i Bankës Qendrore i ngarkuar me operacionet e përditshme të Bankës Qendrore. Zëvendësguvernatorët i ndihmojnë Guvernatorin në realizimin e operacioneve të përditshme të Bankës Qendrore.

Lexo më shumë