16/03/2020

Si pasojë e rrethanave të krijuara me rastin e pandemisë së virusit Covid 19 (coronavirus), Bordi i Bankës Qendrore të Republikës së Kosovës, në mbledhjen e mbajtur më datë 16 mars 2020 mori vendimet si në vijim: • Vendim për miratimin e rialokimit/shtimit të Buxhetit 2020 lidhur me shpenzimet operative të jashtëzakonshme; • Vendim për delegimin e autorizimeve tek Bordi Ekzekutiv për marrjen e veprimeve adekuate të nevojshme dhe në kohë për përmbushjen e masave aktuale të dala nga vendimet e Qeverisë së Republikës së Kosovës si rezultat i gjendjes emergjente në shëndetin publik.

28/02/2020

Bordi i Bankës Qendrore të Republikës së Kosovës, në mbledhjen e mbajtur më 28 shkurt 2020 mori vendim si në vijim: • Vendim për miratimin e Rregullores për Dënimet me Gjobë për Siguruesit, Ndërmjetësuesit në Sigurime dhe Trajtuesit e Dëmeve në Sigurime. Gjithashtu, Bordi i Bankës Qendrore u njoftua me Raportin mujor të Guvernatorit/Bordit Ekzekutiv dhe Raportin Vjetor të Komitetit të Auditimit të BQK-së për vitin 2019.

20/02/2020

Bordi i Bankës Qendrore të Republikës së Kosovës, në mbledhjen e mbajtur mbledhjen të datës 20 shkurt 2020 mori vendim si në vijim: • Bordi miratoi emërimin e Shefit të Auditimit të Brendshëm.

30/01/2020

Bordi i Bankës Qendrore të Republikës së Kosovës, në mbledhjen e mbajtur më 30 janar 2020, mori vendimet si në vijim: • Vendim për miratimin e Rregullores për Reklamimin e Shërbimeve Financiare; • Vendim për miratimin e Rregullores për Parandalimin e Pastrimit të Parave dhe Financimit të Terrorizmit; • Vendim për miratimin e Rregullores për Qeverisjen Korporative të Siguruesve; • Vendim për miratimin e Rregullores për Menaxhimin e Komisioneve dhe Shpenzimeve Operative të Siguruesve. Gjithashtu, Bordi i Bankës Qendrore u njoftua me Raportin mujor të Guvernatorit/Bordit Ekzekutiv.

30/12/2019

Mbështetur në Ligjin nr. 03/L-209 për Bankën Qendrore të Republikës së Kosovës dhe në kriteret e përcaktuara në konkursin për pozitën e një anëtari joekzekutiv në Bordin e BQK-së, Paneli për përzgjedhjen e kandidatëve për pozitën si më sipër ka përcaktuar listën e kandidatëve (renditja alfabetike) si në vijim: 1. Arben Mustafa, 2. Avni Sahiti, 3. Bedri Peci, 4. Mimoza Mustafa, 5. Valdrin Kasumaj, 6. Veton Zeqiraj. Pas përfundimit të veprimeve procedurale të parapara me aktet juridike në fuqi lidhur me kandidatët e cekur më lart, propozimi (lista e kandidatëve) do të procedohet sipas ligjit të BQK-së.