Publikime Archives - Page 2 of 5

BQK sipas kalendarit të publikimeve publikoi statistikat për institucionet tjera financiare për muajin shtator 2023; https://bqk-kos.org/statistikat/serite-kohore/
Njëkohësisht, u publikuan remitancat për muajin gusht dhe ato preliminare për shtator 2023.

Ndërmjetësit tjerë financiar

Asetet e ndërmjetësve tjerë financiar në fund të muajit shtator 2023 janë rritur për 3.1 milionë euro krahasuar me muajin paraprak duke arritur vlerën 479.0 milionë euro.

Struktura e aseteve të sektorit mikrofinanciar dominohet nga kreditë të cilat përbejnë 70.9% të gjithsej aseteve.

Kreditë bruto të ndërmjetëseve tjerë financiar në shtator 2023 shënuan vlerën për rreth 339.7 milion euro, rritje kjo për 5.4 milionë euro krahasuar me periudhën paraprake.

Kreditë ndaj ekonomive familjare në shtator 2023 përfaqësojnë 62.4% të gjithsej kredive të sektorit mikrofinanciar.

Kompanitë e sigurimeve

Asetet e kompanive të sigurimit në shtator 2023 kanë vlerën 298.1 milionë euro, e cila përfaqëson një rritje prej 2.2 milionë euro krahasuar me muajin paraprak.

Struktura e aseteve në sektorin e sigurimeve përbehet nga bilanci me bankat komerciale që përbëjnë 46.3% letrat me vlerë dhe asetet e tjera përbëjnë 28.2 % të aseteve ndërsa risigurimet e përbëjnë 15.0 % të gjithsej aseteve.

Fondet Pensionale:

Asetet e Fondeve Pensionale në fund të muajit shtator 2023 kanë arritur vlerën 2.62 miliardë euro, e cila përfaqëson një rritje prej 8.34 milionë euro krahasuar me muajin paraprak.

Struktura e aseteve të sektorit pensional dominohet nga letrat me vlerë të kapitalit që përbëjnë 75.2% të gjithsej aseteve. Vlera e tyre në shtator 2023 ka arritur në 1.97 miliardë euro, duke shënuar rënie për 13.3 milionë euro krahasuar me muajin paraprak.

Remitancat

Sipas vlerësimeve preliminare remitancat për muajin shtator ishin rreth 116.9 milionë euro. Prurjet më të mëdha edhe gjatë këtij muaji kanë qenë përmes IFJB 57.4%, kanalet tjera 24.4%, ndërsa përmes bankave 18.2%.

Remitancat deri në fund të shtatorit 2023 arritën vlerën rreth 1,012.6 milion euro, që paraqet rritje prej 11% krahasuar me periudhën e njëjtë të vitit 2022. Remitancat kryesisht vijnë nga shtetet e BE-së, rreth 70% e gjithsej remitancave, prej të cilave kryeson Gjermania me 38.1% dhe ndiqet nga Zvicra me 17.6% ndërsa nga SHBA-ja rreth 7.5%.

Për më gjerësisht publikimin mund ta gjeni në linkun në vijim:

31 Remittances-by channel.xls (live.com)

Sipas kalendarit të publikimeve BQK publikoi statistikat bankare për muajin shtator 2023 (https://bqk-kos.org/statistikat/serite-kohore)

Asetet e bankave komerciale në muajin shtator 2023 kanë shënuar rritje me rreth 67.6 milionë euro krahasuar me muajin paraprak. Në shtator 2023, vlera e aseteve të bankave komerciale ishte 7.16 miliardë euro.

Investimet e bankave komerciale jashtë vendi (në formë të depozitave, letrave me vlerë dhe plasmanëve tjera) kanë shënuar rritje prej rreth 43.2 milionë euro krahasuar me muajin paraprak.

Vlera e kredive bruto në fund të muajit shtator 2023 ishte 4.79 miliardë euro, e që paraqet një rritje prej 61.53 milionë euro krahasuar me muajin paraprak.

Depozitat e klientëve në shtator 2023 kanë shënuar rritje për rreth 14.63 milionë euro krahasuar me muajin paraprak. Vlera e depozitave në shtator 2023 arriti vlerën 5.89 miliardë euro. Rreth 25% e depozitave janë të afatizuara. Ekonomitë familjare dominojnë me rreth 66.5% të totalit të depozitave (apo rreth 3.88 miliardë euro).

Raporti kredi-depozita në muajin shtator ishte në nivelin 81.9%.

Gjithsej kapitali i bankave komerciale në fund të muajit shtator ishte 2023 ishte 821.3 milionë euro.

Norma mesatare e interesit në depozita në muajin shtator ishte 2.43% ( në gusht ka qenë 2.52%).

Norma mesatare e interesit në kredi në muajin shtator ishte 6.51% ( në gusht ka qenë 6.70%).

Margjina e normës së interesit në kredi dhe depozita në muajin shtator ishte 4.08% ( në gusht ishte 4.18%).

Vlera e kredive të reja në muajin shtator ishte 166.6 milionë euro.

Vlera e depozitave të reja në muajin shtator ishte 87.02 milionë euro.

Sipas kalendarit të publikimeve BQK publikoi statistikat e Bilancit të Pagesave (BP) për muajin shtator:

https://bqk-kos.org/statistikat/serite-kohore

Bilanci i pagesave deri në fund të shtatorit 2023 u karakterizua me një deficit të llogarisë rrjedhëse në vlerë prej 391.1 milionë euro i cili tregon një përmirësim prej 24% krahasuar me periudhën e njëjtë të vitit të kaluar (514.8 milionë euro ishte deficiti deri në shtator 2022). Në zvogëlimin e deficitit të llogarisë rrjedhëse gjatë kësaj periudhe kanë ndikuar pozitivisht kryesisht llogaria e shërbimeve dhe të ardhurat dytësore.

Bilanci tregtar në mallra deri në shtator 2023 kishte deficit në vlerë 3.29 miliardë euro, që është për 4.8% më i lartë krahasuar me periudhën e njëjtë të vitit paraprak. Eksporti për këtë periudhë është zvogëluar për 7.2% dhe shënoi vlerën 645.5 milionë euro (695.5 milionë euro ishte deri në shtator 2022). Ndërsa, importi i mallrave shënoi rritje të lehtë prej 2.6% duke arritur vlerën 3,935.6 milion euro (3,835.3 milion euro ishte deri në shtator 2022).

Llogaria e shërbimeve, e cila vazhdimisht ka bilanc pozitiv, deri në shtator 2023 shënoi vlerën 1,328.1 që është për 15% më i lartë krahasuar me periudhën e njëjtë të vitit 2022 që ishte 1,158.1 milion euro.

Të ardhurat parësore deri në shtator 2023 shënuan bilanc pozitiv prej 93.1 milionë euro, e cila në periudhën e njëjtë të vitit të kaluar kishte vlerën 61.1 milionë euro. Kjo paraqet një rritje të theksuar apo rreth 52.4% krahasuar me periudhën e njëjtë të vitit të kaluar.

Të ardhurat dytësore mbeten kontribuuesi kryesor në zbutjen e deficitit të llogarisë rrjedhëse. Deri në shtator 2023 kjo llogari shënoi rritje prej 5.1% krahasuar me periudhën e njëjtë të vitit 2022, duke arritur vlerën 1,477.9 milion euro (1,405.9 milion euro ishte deri në shtator 2022).

Remitancat janë kategoria kryesore në kuadër të ardhurave dytësore, vlera e të cilave deri në shtator 2023 shënoi 1,009.2 milion euro, që paraqet rritje prej 104.7 milionë euro ose 11.5% krahasuar me periudhën e njëjtë të vitit 2022.

Asetet në llogarinë financiare deri në shtator 2023 ishin 684.4 milionë euro. Ndërsa, detyrimet financiare kanë shënuar vlerën prej 790.7 milionë euro, për të njëjtën periudhë.

Investimet direkte në Kosovë deri në fund të shtator 2023 ishin 612.7 milionë euro (612.5 milionë euro deri në fund të shtatorit 2022), përderisa investimet direkte jashtë Kosovës shënuan vlerën 161.2 milionë euro (121.2 milion euro deri në shtator 2022).

Investimet në letra me vlerë jashtë, pa përfshirë letrat me vlerë në kuadër të aseteve rezervë, deri në shtator 2023 janë rritur për 368.7 milionë euro.

Investimet tjera në Kosovë (investimet në depozita, kredi dhe në kredi tregtare) deri në fund të shtatorit 2023 ishin 177.9 milion euro (283.5 milionë euro ishte deri në shtator 2022), përderisa investimet tjera jashtë Kosovës deri në fund të shtatorit 2023 ishin 3.4 milionë euro (74.5 milionë euro ishte deri në shtator 2022).

Asetet rezervë deri në shtator 2023 janë rritur për 151.2 milion euro, ndërsa në periudhën e njëjtë të vitit paraprak rritja ishte për 366.2 milionë euro.

Sipas kalendarit të publikimeve BQK publikoi Bilancin e Gjendjes, Pasqyrën e BQK-së dhe Asetet Rezervë: shtator 2023 (https://bqk-kos.org/statistikat/serite-kohore).

Asetet e BQK-së në muajin shtator 2023, kanë shënuar rritje për 29.5 milionë euro. Vlera e aseteve të BQK-së me 30 shtator 2023 ishte rreth 1.92 miliardë euro. Rritjes së aseteve i ka kontribuar kryesisht rritja e depozitave nga Trusti i Kursimeve Pensionale për (37.6 milionë) dhe bankat komerciale për (4.1 milionë).
Investimet e BQK-së jashtë vendi, në formë të depozitave dhe letra me vlerë janë rritur për 55.3 milionë euro gjatë muajit shtator 2023. Investimet në depozita janë rritur për 15.3 milionë, gjithashtu edhe letrat me vlerë janë rritur për 40.4 milionë euro, krahasuar me muajin gusht 2023. Vlera e këtyre investimeve në depozita dhe letra me vlerë jashtë vendi, me 30 shtator 2023 ishte 1,19 miliardë euro.
Depozitat në BQK me 30 shtator 2023 ishin 1.5 miliardë, prej të cilëve 620.3 milionë janë nga Qeveria Qendrore, 560.4 nga bankat komerciale dhe 163.5 AKP. Kapitali i BQK-së më 30 shtator 2023 ishte 90.5 milionë euro.
Asetet rezervë në fund të muajit shtator 2023 shënuan vlerën 1,374.6 milionë euro e që janë për 17.1 milionë euro më të ulëta se në muajin paraprak. Me rreth 40.6 milionë euro, kësaj rënie i ka kontribuar zvogëlimi i parasë së gatshme dhe depozitat me jashtë. Ndërsa investimet në letra jashtë vendit janë rritur për rreth 19.3 milion֝ë euro.

Sipas kalendarit të publikimeve BQK publikoi statistikat e bankare për muajin nëntor 2023:

https://bqk-kos.org/statistikat/serite-kohore

Asetet e bankave komerciale në muajin nëntor 2023 kanë shënuar rritje për 33.2 milionë euro e që është 0.46% më e lartë krahasuar me muajin paraprak duke arritur vlerën 7.20 miliardë euro.

Investimet e bankave komerciale jashtë vendi (në formë të depozitave, letrave me vlerë dhe plasmanëve tjera) kanë shënuar rënie prej rreth 24.5 milionë euro që janë për rreth 2.2% më të ulëta krahasuar me muajin paraprak duke arritur vlerën 1,10 miliardë euro.

Kreditë bruto në fund të muajit nëntor 2023 kanë shënuar rritje për 52.13 milionë euro e që është për 1.1% më e lartë krahasuar me muajin paraprak duke arritur vlerën 4.88 miliardë euro.

Vlera e kredive të reja në muajin nëntor ishte 170.0 milionë euro.

Depozitat e klientëve në nëntor 2023 kanë shënuar rritje për rreth 6.7 milionë euro që është 0.1% më e lartë krahasuar me muajin paraprak duke arritur vlerën 5.88 miliardë euro. Rreth 26% e depozitave janë të afatizuara. Ekonomitë familjare dominojnë me rreth 66.5% të totalit të depozitave (apo rreth 3.90 miliardë euro).

Vlera e depozitave të reja në muajin nëntor ishte 47.9 milionë euro.

Raporti kredi-depozita në muajin nëntor ishte në nivelin 83.1%.

Gjithsej kapitali i bankave komerciale në fund të muajit nëntor 2023 ishte 846.7 milionë euro. Ndërsa provizionet për kredi u rritën per 8.36 milionë euro apo 80.3% krahasuar me muajin paraprak duke arritur vlerën 18.76 milionë euro.

Norma mesatare e interesit në depozita në muajin nëntor është 2.43% ( në shtator ka qenë 2.37%).

Norma e interesit në kredi në muajin nëntor është 6.40% ( në shtator ka qenë 6.39%).

Margjina e normës së interesit në kredi dhe depozita në muajin nëntor është 3.98% (në shtator ishte 4.01%).

Sipas kalendarit të publikimeve BQK publikoi statistikat e Bilancit të Pagesave (BP) për muajin korrik 2023, Pozicioni i Investimeve Ndërkombëtare, Borxhi i Jashtëm i Kosovës dhe Llogaritë Financiare për tremujorin e dytë 2023 (https://bqk-kos.org/statistikat/serite-kohore)

Bilanci i pagesave deri në fund të korrikut 2023 u karakterizua me një deficit të llogarisë rrjedhëse në vlerë prej 450.2 milionë euro (584.7 milionë euro ishte deficiti deri në korrik 2022).

Bilanci tregtar në mallra deri në korrik 2023 kishte deficit në vlerë 2.47 miliardë euro, që është pothuajse në të njëjtin nivel krahasuar me periudhën e njëjtë të vitit paraprak, por me një përkeqësim të lehtë (deficit më i lartë prej 3.8%). Eksporti për këtë periudhë është zvogëluar për 6.2 % dhe shënoi vlerën 498.3 milionë euro (531.2 milionë euro ishte deri në korrik 2022). Ndërsa, importi i mallrave shënoi rritje të lehtë prej 2.0 % duke arritur vlerën 2,963.5 milion euro (2,906.3 milionë euro ishte deri në korrik 2022).

Llogaria e shërbimeve, e cila vazhdimisht ka bilanc pozitiv, deri në korrik 2023 shënoi vlerën 835.9 milionë euro, e cila paraqet rritje për 166.5 milionë euro krahasuar me periudhën e njëjtë të vitit 2022.

Të ardhurat parësore deri në korrik 2023 shënuan bilanc pozitiv prej 58.2 milionë euro, e cila në periudhën e njëjtë të vitit të kaluar si vlerë kumulative kishte vlerën 77.2 milionë euro. Kjo paraqet një rënie rreth 25% krahasuar me periudhën e njëjtë të vitit të kaluar, ndërsa nëse e krahasojmë vetëm korrik 2022 me korrik 2023, vërejmë se këtë vit kemi kalim nga bilanci negativ në atë pozitiv, duke arritur në 12.7 milionë euro në muajin korrik.

Llogaria e të ardhurave dytësore mbetet kontribuuesi kryesor në zbutjen e deficitit të llogarisë rrjedhëse. Deri në korrik 2023 kjo llogari shënoi rritje prej 7.4% apo 77.1 milionë më shumë krahasuar me periudhën e njëjtë të vitit 2022, duke arritur vlerën 1,121.0 milionë euro (1,043.8 milionë euro ishte bilanci pozitiv deri në korrik 2022).

Remitancat janë kategoria kryesore në kuadër të të ardhurave dytësore, vlera e të cilave deri në korrik 2023 shënoi 753.9 milionë euro, që paraqet rritje prej 84 milionë euro ose 12% krahasuar me periudhën e njëjtë të vitit 2022.

Asetet në llogarinë financiare deri në korrik 2023 ishin 400.4 milionë euro. Ndërsa, detyrimet financiare kanë shënuar vlerën prej 566.7 milionë euro, për të njëjtën periudhë.

Investimet direkte në Kosovë deri në fund të korrikut 2023 ishin për 20 milionë euro më të larta dhe shënuan vlerën 443.3 milionë euro (423.2 milionë euro deri në fund të korrikut 2022), përderisa investimet direkte jashtë Kosovës shënuan vlerën 121.0 milionë euro (89.3 milionë euro deri në korrik 2022).

Investimeve në letra me vlerë jashtë, pa përfshirë letrat me vlerë në kuadër të aseteve rezervë, deri në korrik 2023 janë rritur për 267.3 milionë euro.

Investimet tjera (investimet në depozita, kredi dhe në kredi tregtare) deri në korrik 2023 kanë shënuar vlerë negative 207.0 milionë euro (vlerë negative prej 281.2 milionë euro deri në korrik 2022).

Asetet rezervë deri në korrik 2023 janë rritur për 95.7 milionë euro, ndërsa në periudhën e njëjtë të vitit paraprak rritja ishte për 209.3 milionë euro.

Pozicioni i investimeve ndërkombëtare në tremujorin e dytë 2023, shënoi bilanc negativ të në vlerë 1,739.7 milionë euro. Kjo nënkupton që asetet ndërkombëtare të Kosovës janë më të ulëta se detyrimet ndërkombëtare për këtë vlerë.

Asetet e jashtme në tremujorin e dytë 2023janë rritur për 161.7 milionë euro nga tremujori paraprak duke arritur vlerën 6,801.7 milionë euro. Rritjes së aseteve gjatë kësaj periudhe i kanë kontribuar kategoria e investimeve direkte për 52.6 milionë euro, investimet në letra me vlerë janë rritur për 43.8 milionë euro, investimet tjera janë rritur për 50.6 milionë euro dhe asetet rezervë janë rritur për 14.6 milionë euro.

Detyrimet e jashtme në tremujorin e dytë 2023, krahasuar me tremujorin e parë 2023, janë rritur në vlerë prej 275.0 milionë euro duke shënuar vlerën 8,541.4 milionë euro. Në kuadër të detyrimeve, investimet e huaja direkte në Kosovë janë rritur për 187.8 milionë euro, ndërsa investimet tjera për 87.2 milionë euro.

Borxhi i jashtëm bruto, i cili përfshin borxhin publik dhe privat në fund të tremujorit të dytë 2023, arriti vlerën 3,572.3 miliardë euro i cili shënoi rritje për 112.9 milionë euro krahasuar me tremujorin e parë të këtij viti. Kontribuesi kryesor i rritjes së borxhit të jashtëm në Kosovë është sektori privat i cili u rrit për 95.4 milionë euro krahasuar me tremujorin paraprak të këtij viti. Ndërsa borxhi publik pat një rritje prej 17.1 milionë euro.

Borxhi i sektorit publik ka një pjesëmarrje rreth 24% në gjithsej borxhin e jashtëm, vlera e të cilit në fund të qershorit 2023 ishte 841.8 milionë euro. Pjesa më e madhe e borxhit publik përbëhet nga borxhi i jashtëm i qeverisë, i cili në fund të qershorit 2023 ishte 670.2 milionë euro, me rritje për 19.1 milionë euro.

Borxhi i sektorit privat në fund të qershorit shënoi vlerën 2,730.4 milionë euro.

BQK sipas kalendarit të publikimeve publikoi statistikat për institucionet tjera financiare për muajin nëntor 2023:

https://bqk-kos.org/statistikat/serite-kohore

Njëkohësisht, u publikuan remitancat për tetor dhe ato preliminare për nëntor 2023.

Ndërmjetësit tjerë financiar

Asetet e ndërmjetësve tjerë financiar në fund të muajit nëntor 2023 janë rritur për 2.8 milionë euro krahasuar me muajin paraprak duke arritur vlerën 499.4 milionë euro.

Struktura e aseteve të sektorit mikrofinanciar dominohet nga kreditë të cilat përbëjnë 71.% të gjithsej aseteve.

Kreditë bruto të ndërmjetëseve tjerë financiarë shënuan vlerën për rreth 354.5 milionë euro në nëntor 2023, rritje kjo për 7.6 milionë euro krahasuar me periudhën paraprake.

Kreditë ndaj ekonomive familjare në nëntor 2023 përfaqësojnë 61.8% të gjithsej kredive të sektorit mikrofinanciar.

Vlera e kredive të reja në muajin nëntor është 16.7 milionë ( në tetor ishte 35.91 milionë).

Kompanitë e sigurimeve

Asetet e kompanive të sigurimit në fund të muajit nëntor 2023 shënuan vlerën 300.6 milionë euro, e cila përfaqëson një ngritje prej rreth 200 mijë euro krahasuar me muajin paraprak.

Struktura e aseteve në sektorin e sigurimeve përbëhet nga bilanci me bankat komerciale që përbëjnë 45.5% letrat me vlerë dhe asetet e tjera përbëjnë 28.8 % të aseteve ndërsa risigurimet e përbëjnë 15.1 % të gjithsej aseteve.

Fondet pensionale:

Asetet e fondeve pensionale në fund të muajit nëntor 2023 janë rritur për 54.3 milionë euro krahasuar me muajin paraprak duke shënuar vlerën rreth 2.65 miliardë euro.

Struktura e aseteve të sektorit pensional dominohet nga letrat me vlerë të kapitalit që përbejnë 77.4 % të gjithsej aseteve.

Remitancat

Sipas vlerësimeve preliminare remitancat për muajin nëntor ishin rreth 101.3 milion euro. Prurjet më të mëdha edhe gjatë këtij muaji kanë qenë përmes IFJB 65.%, kanalet tjera 19%, ndërsa përmes bankave 16%.

Remitancat deri në fund të nëntorit 2023 arritën vlerën rreth 1,217.8 milionë euro, që paraqet rritje prej 10.2% krahasuar me periudhën e njëjtë të vitit 2022.

Për më gjerësisht publikimin mund ta gjeni në linkun në vijim:

https://view.officeapps.live.com/op/view.aspx?src=https%3A%2F%2Fbqk-kos.org%2Frepository%2Fdocs%2Ftime_series%2F31%2520Remittances-by%2520channel.xls&wdOrigin=BROWSELINK

Sipas kalendarit të publikimeve BQK publikoi bilancin e gjendjes, pasqyrën e BQK-së dhe asetet rezervë: dhjetor 2023 :

https://bqk-kos.org/statistikat/serite-kohore

Asetet e BQK-së në muajin dhjetor 2023 arritën vlerën prej 1.64 miliard euro, duke shënuar rënie për 127.2 milionë euro krahasuar me muajin paraprak, kryesisht si rezultat i zvogëlimit të bilancit të mjeteve të qeverisë (335.2 milionë euro) në njërën anë dhe rritjes së depozitave të fondeve pensionale (126.2 milionë euro), AKP (1.1 milion euro), bankat komerciale (67 milionë euro) si dhe korporatat publike jofinanciare (3.3 milionë euro).

Nga gjithsej asetet, vlera e investimeve në depozita dhe letrat me vlerë jashtë vendit më 31 dhjetor 2023 ishte 1.17 miliard euro. Gjatë muajit dhjetor 2023 krahasuar me muajin nëntor 2023, investimet e BQK-së jashtë vendit në formë të depozitave dhe letra me vlerë janë zvogëluar për 51.7 milionë euro, si rezultat i zvogëlimit të investimeve në depozita prej 71.1 milionë euro dhe rritjes neto të letrave me vlerë për 19.4 milionë euro.

Depozitat në BQK më 30 dhjetor 2023 ishin 1.36 miliardë euro, prej të cilëve 364.4 milionë euro ishin nga qeveria qendrore, 590.5 milionë euro nga bankat komerciale dhe 166.4 milion euro AKP dhe 241 milionë euro të tjerat.

Kapitali i BQK-së më 30 dhjetor 2023 ishte 99.3 milionë euro,

Ndërsa sa i përket aseteve të rezervës ndërkombëtare në fund të muajit dhjetor 2023 shënuan vlerën 1.13 miliard euro e që janë për 255 milionë euro më të ulëta se në muajin paraprak. Kësaj rënie i ka kontribuar zvogëlimi i depozitave me jashtë për 211 milionë euro dhe investimet në letra me vlerë për 44 milionë euro.

BQK në vijim të publikimit të statistikave bankare për muajin korrik 2023 (më 23 gusht 2023, https://bqk-kos.org/statistikat/serite-kohore), sipas kalendarit të publikimeve, ka publikuar statistikat për institucionet tjera financiare për korrik 2023. Njëkohësisht, u publikuan remitancat për muajin qershor dhe ato preliminare për korrik 2023.

Asetet e ndërmjetësve tjerë financiarë arritën vlerën 455.4 milionë euro, me një rritje prej 8.1 milionë euro krahasuar me muajin paraprak. Bruto kreditë e ndërmjetëseve tjerë financiarë shënuan vlerën për rreth 328.6 milionë euro në korrik 2023, rritje për 7 milionë euro krahasuar me muajin paraprak. Kjo rritje është ndikuar kryesisht nga rritja e kredive të aktivitetit të sektorit financiar. Kreditë ndaj ekonomive familjare në korrik 2023 përfaqësojnë 63% të gjithsej kredive të sektorit mikrofinanciar.

Asetet e Fondeve Pensionale arritën vlerën prej 2.6 miliardë euro, e cila përfaqëson një rritje prej 66.4 milionë euro krahasuar me muajin paraprak. Struktura e aseteve të sektorit pensional dominohet nga letrat me vlerë të kapitalit që përbejnë 76.4% të gjithsej aseteve. Vlera e tyre në korrik 2023 ka arritur në 1.99 miliardë euro, duke shënuar rritje prej 225.4 milionë euro krahasuar me muajin paraprak. Kjo rritje kryesisht i atribuohet rritjes së investimeve jashtë vendit, por njëkohësisht është vërejtur se ka pasur rritje të përformancës së letrave me vlerë ekzistuese të cilat janë investuara me herët.

Asetet e Kompanive të sigurimit arritën vlerën 296.3 milionë euro, e cila përfaqëson një rënie prej 2.2 milionë euro krahasuar me muajin paraprak. Struktura e aseteve në sektorin e sigurimeve përbëhet nga bilanci me bankat komerciale që përbejnë 44.9%, letrat me vlerë dhe asetet tjera përbejnë 28.5 % të aseteve.

Remitancat në muajin qershor 2023 ishin 123.9 milionë euro, që paraqet rritje prej 18% krahasuar me periudhën e njëjtë të vitit 2022. Prurjet më të mëdha të remitancave gjatë këtij muaji ishin përmes agjencive për transferimin e parave dhe kanaleve tjera, konkretisht përmes IFJB 58.4 %, bankave 15.4% dhe kanalet tjera 26.2%.

Vlera remitancave deri në fund të qershorit 2023 shënoi rreth 635 milionë euro, që paraqet rritje prej 13% krahasuar me periudhën e njëjtë të vitit 2022. Remitancat kryesisht vijnë nga shtetet BE-së rreth 60% e gjithsej remitancave, prej të cilave kryeson Gjermania me 38.1% dhe ndiqen nga Zvicra me 17.6% dhe SHBA rreth 7.5%. Sipas vlerësimeve preliminare remitancat për muajin korrik ishin rreth 116 .8 milion euro. Prurjet më të mëdha edhe gjatë këtij muaji kanë qenë përmes IFJB 50.9 %, ndërsa përmes bankave 18.5% dhe kanalet tjera 30.5%.

Për më gjerësisht publikimin mund ta gjeni në linkun në vijim:

https://view.officeapps.live.com/op/view.aspx?src=https%3A%2F%2Fbqk-kos.org%2Frepository%2Fdocs%2Ftime_series%2F31%2520Remittances-by%2520channel.xls&wdOrigin=BROWSELINK

Banka Qendrore e Republikës në kuadër të Edukimit Financiar ka të hartuar manuale, që tregojnë mbi veçoritë teknike dhe tiparet e sigurisë të kartëmonedhave dhe monedhave Euro.

Monedhat

🔵 Udhëzuesit për tiparet e sigurisë së të gjithë monedhave

Tiparet e sigurise se monedhave

Tiparet e sigurisë dhe mbrojtja nga falsifikimi për monedhën 2 Euro:

https://bqk-kos.org/wp-content/uploads/2024/10/Euro-monedhat.pdf

🔵 Karakteristikat dhe informatat tjera për të gjitha monedhat – 1 cent, 2 cent, 5 cent, 10 cent, 20 cent, 50 cent, 1 Euro dhe 2 Euro

https://bqk-kos.org/wp-content/uploads/2024/10/Euro-monedhat-1.pdf

Kartëmonedhat

🔵 Udhëzuesit për tiparet e sigurisë për të gjitha kartëmonedhat – 5 Euro, 10 Euro, 20 Euro, 50 Euro, 100 Euro, 200 Euro dhe 500 Euro për të dy seritë (seria e parë dhe Europa)

https://bqk-kos.org/operacionet-bankare/paraja-ne-qarkullim/tiparet-e-sigurise-se-kartemonedhave/

🔵 Tiparet e sigurisë për kartëmonedhën 5 Euro

https://bqk-kos.org/wp-content/uploads/2024/10/5E_Tiparet_e_sigurise-1.pdf

https://bqk-kos.org/wp-content/uploads/2024/10/5E_Tiparet_e_sigurise_europa-1-1.pdf

🔵 Tiparet e sigurisë për kartëmonedhën 10 Euro

https://bqk-kos.org/wp-content/uploads/2024/10/10E_Tiparet_e_sigurise-2-1.pdf

https://bqk-kos.org/wp-content/uploads/2024/10/10E_Tiparet_e_sigurise_seria_EUROPA-1-1.pdf

🔵 Tiparet e sigurisë për kartëmonedhën 20 Euro

https://bqk-kos.org/wp-content/uploads/2024/10/20E_Tiparet_e_sigurise_AL-1.pdf

https://bqk-kos.org/wp-content/uploads/2024/10/20E_Tiparet_e_sigurise_seria_EUROPA-1.pdf

🔵 Tiparet e sigurisë për kartëmonedhën 50 Euro

https://bqk-kos.org/wp-content/uploads/2024/10/50E_Tiparet_e_sigurise.1-1.pdf