Titulli:                                     Praktikantë, tetë (8) pozita

Departamenti:                       i Statistikës

Raporton tek:                        Udhëheqësi i Divizionit të Statistikave të Jashtme    

Në kuadër të programit “Praktika profesionale me studentë” Banka Qendrore e Republikës së Kosovës (BQK) shpall konkurs për pranimin e tetë (8) praktikantëve, me kohë të caktuar për një muaj. Objektivi kryesor i këtij programi është që stafi profesional i BQK-së të ndaj përvojat me studentët të cilët do të kryejnë këtë praktikë. Programi i praktikës për studentë  u mundëson lidhjen midis njohurive të fituara gjatë studimeve dhe punës praktike në institucionet publike të pavarura. Ky program zgjatë katër javë dhe nuk nënkupton në asnjë mënyrë marrëdhënie formale pune me BQK-në.

Studentët do të angazhohen drejtpërdrejt në realizimin e një projekti studimor për të vlerësuar nivelin dhe strukturën e shpenzimeve të diasporës kosovare gjatë qëndrimit në Kosovë. Projekti mbikëqyret nga Departamenti i Statistikës në BQK. Si pjesë e projektit, studentët do të zhvillojnë anketa në terren në disa pika të përzgjedhura kufitare të Kosovës gjatë periudhës së verës 2024.

Njohuritë e kërkuara:

• Kandidatët duhet të jenë studentë në studime universitare ose në studime pasuniveristare, në fushën e ekonomisë, statistikës, matematikës ose drejtime të ngjashme;
• Të kenë aftësi të mira komunikimi dhe të punës ekipore;
• Përparësi kanë kandidatët që kanë njohuri të mira në zbatimin e teknikave moderne statistikore, grumbullim të të dhënave dhe hulumtime statistikore;
• Përparësi kanë kandidatët që kanë njohuri të mira në aplikimin e softuerëve statistikor,  si: STATA, SPSS dhe softuerë të tjerë relevant.

Të gjithë kandidatët duhet të dërgojnë dokumentet e mëposhtme:

• Formularin zyrtar të BQK-së për aplikim për “Programi i praktikës për studentë”;
• CV të detajuar;
• Letrën përcjellëse (motivuese) ku theksohet interesimi për praktikë në BQK;
• Lista e notave nga universiteti përkatës;
• Një letër referencë;
• Kopja e letërnjoftimit apo ndonjë dokumenti tjetër identifikues;

Procedura e aplikimit:

• Afati i fundit për aplikim është  deri më 15 korrik 2024.
• Aplikimi mund të bëhet në e-mail adresën praktika@bqk-kos.org ose përmes zyrës së Arkivit të BQK-së.  Asnjë formë tjetër e aplikimit nuk do të merret parasysh.
• Formulari i aplikacionit mund të shkarkohet përmes faqes zyrtare : www.bqk-kos.org
• Dokumentacionet e pakompletuara nuk do të merren parasysh.

Programi i praktikës për studentë

Qëllimi dhe kohëzgjatja:

Programi i praktikës për studentë i ofruar nga BQK-ja mundëson lidhjen midis njohurive teorike të fituara gjatë studimeve dhe punës praktike në institucionet publike të pavarura. Ky program zgjatë katër javë dhe nuk nënkupton në asnjë mënyrë ndonjë marrëdhënie formale pune me BQK-në.
Gjatë praktikës studentet e përzgjedhur do të vendosen nëpër njësi organizative të caktuara të BQK-së dhe do të punojnë nën udhëzimet e mbikëqyrësve të njësive përkatëse. Në fund të praktikës, studentët do të pajisen me certifikata për kryerjen e programit në fjalë.

Si mund të aplikoni?

Në rend të parë, studentëve u rekomandohet të shikojnë në ueb-faqen e BQK-së dhe të familjarizohen me detyrat dhe përgjegjësitë e institucionit tonë. Pastaj para se të aplikoni, ju lutemi të lexoni me kujdes aplikacionin për praktikë dhe konform kësaj të përcaktoheni për fushat e interesit ose njësitë organizative të cilat i konsideroni të dobishme për kryerjen e praktikës si:

• Departamenti i Mbikëqyrjes Bankare;
• Departamenti i Mbikëqyrjes e Sigurimeve;
• Departamenti i Licencimit dhe Standardizimit;
• Departamenti i Menaxhimit të Mjeteve dhe Rezervave;
• Departamenti i Infrastrukturës së Tregut dhe Pagesave;
• Departamenti i Menaxhimit të Rrezikut;
• Departamenti i Financave;
• Departamenti i Marrëdhënieve me Publikun dhe Edukim Financiar;
• Departamenti i Administratës dhe Mbështetjes.
  

Praktika mësimore në Bankën Qendrore të Republikës së Kosovës mund të kryhet nga studentët të cilët plotësojnë kriteret si më poshtë:

• Të jenë në mbarim të studimeve bachelor apo master: në fushat e ekonomisë, juridik, shkenca e inxhinierisë, matematikës ose të ngjashme;
• Preferohen studentët me notë mesatare mbi 8;
• Të kenë aftësi për të punuar në grup dhe individualisht;
• Të kenë njohuri shumë të mira të kompjuterit në programet e MS Office (mundësisht me dëshmi përkatëse).

Të gjithë studentët duhet të dërgojnë dokumentet e mëposhtme:

• Formularin zyrtar të BQK-së për aplikim për “Programi i praktikës për studentë”;
• Letrën përcjellëse (motivuese) ku theksohet interesimi për praktike;
• Lista e notave nga universiteti përkatës (në rasti se kandidati vazhdon studimet e larta duhet të ketë listën e notave të gjitha semestrave të përfunduar deri në momentin e aplikimit);
• Një letër referencë nga një pedagog/profesor nga universiteti i përkatës apo rekomandim nga universiteti;
• Kopja e letërnjoftimit apo ndonjë dokumentit tjetër identifikues.

Procedura e aplikimit:

• Afati i fundit për aplikim është 12 korrik 2024.
• Aplikimi mund të bëhet përmes postë elektronike në praktika@bqk-kos.org ose të dorëzohet direkt në arkivin e BQK-së, rruga Garibaldi 33, 10000 Prishtinë, Republika e Kosovës.
• Formën e aplikacionit mund ta shkarkoni përmes faqes zyrtare :  www.bqk-kos.org
• Dokumentacionet e pakompletuara nuk do të merren parasysh.  

Formulari për aplikantë

21/06/2017