Publikime Archives - Page 3 of 5

Sipas kalendarit të publikimeve, BQK publikoi statistikat e bankave komerciale për muajin dhjetor 2023:

https://bqk-kos.org/statistikat/serite-kohore

Asetet e bankave komerciale në muajin dhjetor 2023 kanë shënuar rritje për 333.8 milionë euro, ose 5% krahasuar me muajin paraprak duke arritur vlerën në fund të muajit dhjetor 2023 në 7.54 miliardë euro.

Investimet e bankave komerciale jashtë vendi (në formë të depozitave, letrave me vlerë dhe plasmanëve tjerë) kanë shënuar rritje për 165 milion euro, ose 5.9% krahasuar me muajin paraprak duke arritur vlerën në fund të muajit dhjetor 2023 në 1,26 miliard euro.

Kreditë bruto në muajin dhjetor 2023 kanë shënuar rritje për 27.8 milionë euro ose 0.57% krahasuar me muajin paraprak duke arritur vlerën në fund të muajit dhjetor 2023 në 4.91 miliardë euro.

Vlera e kredive të reja në muajin dhjetor 2023 ishte 193.7 milion euro.

Depozitat e klientëve në dhjetor 2023 kanë shënuar rritje për 246.5 milionë euro, ose 4% krahasuar me muajin paraprak. Nga vlera e akumuluar e depozitave të klientëve prej 6.13 miliardë euro në fund të dhjetor 2023, rreth 25% janë të afatizuara. Sipas sektorëve, ekonomitë familjare dominojnë me rreth 66.3% të gjithsej vlerës së depozitave (rreth 4.06 miliardë euro).

Vlera e depozitave të reja në muajin dhjetor 2023 ishte 138.8 milion euro.

Raporti kredi-depozita në muajin dhjetor 2023 ishte në nivelin 80.2%.

Gjithsej kapitali i bankave komerciale në fund të muajit dhjetor 2023 arriti vlerën në 863.0 milionë euro. Ndërsa, provizionet për kredi u rritën për 2.5 milionë euro apo 13.4% krahasuar me muajin paraprak duke arritur vlerën 21.26 milionë euro.

Norma mesatare e interesit në depozita në muajin dhjetor 2023 ishte 3.14% (në nëntor 2023 ka qenë 2.43%).

Norma mesatare e interesit në kredi në muajin dhjetor 2023 ishte 6.35% (në nëntor 2023 ka qenë 6.40%).

Margjina e normës së interesit në kredi dhe depozita në muajin dhjetor 2023 ishte 3.2% (në nëntor 2023 ka qenë 3.9%).

Sipas kalendarit të publikimeve, BQK publikoi statistikat për institucionet tjera financiare për muajin dhjetor 2023, si dhe statistikat e remitancave për nëntor dhe ato preliminare për dhjetor 2023 :

https://bqk-kos.org/statistikat/serite-kohore

Ndërmjetësitë tjerë financiarë

Asetet e ndërmjetësve tjerë financiar në fund të muajit dhjetor 2023 janë rritur për 14.2 milionë euro krahasuar me muajin paraprak duke arritur vlerën 513.5 milionë euro.

Struktura e aseteve të sektorit mikrofinanciar dominohet nga kreditë, të cilat përbëjnë 70.4 % të gjithsej aseteve. Kreditë bruto të ndërmjetëseve tjerë financiarë në dhjetor 2023 arritën vlerën në 361.6 milionë euro, e cila përfaqëson rritje për 7.1 milionë euro krahasuar me periudhën paraprake. Sipas sektorëve, kreditë ndaj ekonomive familjare dominojnë me 61% totalin e kredive të sektorit mikrofinanciar.

Vlera kredive të reja të emetuara nga ndërmjetësit tjerë financiarë në muajin dhjetor ishte 41.4 milionë.

Kompanitë e sigurimeve

Asetet e kompanive të sigurimit në fund të muajit dhjetor 2023 arritën vlerën 304.1 milionë euro, e cila përfaqëson rritje për 3.5 milionë euro krahasuar me muajin paraprak.

Struktura e aseteve në sektorin e sigurimeve përbëhet nga bilanci me bankat komerciale, që përbëjnë 45.8%, letrat me vlerë dhe asetet e tjera 29.4 % dhe risigurimet me pjesëmarrje 14.2 %.

Fondet pensionale

Asetet e fondeve pensionale në fund të muajit dhjetor 2023 janë rritur për 62.9 milionë euro krahasuar me muajin paraprak duke shënuar vlerën rreth 2.71 miliardë euro.

Struktura e aseteve të sektorit pensional dominohet nga letrat me vlerë të kapitalit, që përbejnë 74.5% të gjithsej aseteve.

Remitancat

Sipas vlerësimeve preliminare remitancat për muajin dhjetor ishin rreth 129.1 milion euro. Prurjet më të mëdha edhe gjatë këtij muaji kanë qenë përmes IFJB 49.9%, kanalet tjera 36.7%, ndërsa përmes bankave komerciale 13.3%.

Remitancat deri në fund të dhjetorit 2023 arritën vlerën rreth 1,344.5 milionë euro, e cila paraqet rritje vjetore prej 10%.

Për më gjerësisht publikimin mund ta gjeni në adresën në vijim:

https://view.officeapps.live.com/op/view.aspx?src=https%3A%2F%2Fbqk-kos.org%2Frepository%2Fdocs%2Ftime_series%2F31%2520Remittances-by%2520channel.xls&wdOrigin=BROWSELINK

Sipas kalendarit të publikimeve, BQK publikoi statistikat e bilancit të pagesave (BP) për muajin nëntor 2023:

https://bqk-kos.org/statistikat/serite-kohore

Bilanci i pagesave deri në fund të nëntorit 2023 u karakterizua me një deficit të llogarisë rrjedhëse në vlerë prej 703.1 milionë euro, i cili tregon një përmirësim prej 13.4% krahasuar me periudhën e njëjtë të vitit të kaluar (812.0 milionë euro ishte deficiti deri në nëntor 2022). Në zvogëlimin e deficitit të llogarisë rrjedhëse gjatë kësaj periudhe kanë ndikuar pozitivisht kryesisht llogaria e shërbimeve dhe të ardhurave dytësore.

Bilanci tregtar në mallra deri në nëntor 2023 kishte deficit në vlerë 4.16 miliardë euro, që është për 7.5% më i lartë krahasuar me periudhën e njëjtë të vitit paraprak. Eksporti për këtë periudhë është zvogëluar për 6.3% dhe arriti vlerën në 804 milionë euro (858.2 milionë euro ishte deri në nëntor 2022). Ndërsa, importi i mallrave shënoi rritje prej 5% duke arritur vlerën 4,968.9 milionë euro (4,734.3 milion euro ishte deri në nëntor 2022).

Llogaria e shërbimeve, e cila vazhdimisht ka bilanc pozitiv, deri në nëntor 2023 arriti vlerën 1,525.6 milionë euro, e cila është për 20.1% më e lartë krahasuar me periudhën e njëjtë të vitit 2022 .

Të ardhurat parësore deri në nëntor 2023 shënuan bilanc pozitiv prej 133.2 milionë euro, e cila në periudhën e njëjtë të vitit të kaluar kishte vlerën 90.8 milionë euro. Kjo paraqet një rritje të theksuar apo rreth 46.7% krahasuar me periudhën e njëjtë të vitit të kaluar.

Të ardhurave dytësore mbetet kontribuuesi kryesor në zbutjen e deficitit të llogarisë rrjedhëse. Deri në nëntor 2023 kjo llogari shënoi rritje prej 5.9% krahasuar me periudhën e njëjtë të vitit 2022, duke arritur vlerën 1,803.1 milionë euro (1,703.2 milionë euro ishte deri në nëntor 2022).

Remitancat janë kategoria kryesore në kuadër të ardhurave dytësore, vlera e të cilave deri në nëntor 2023 shënoi 1,215.5 milionë euro, që paraqet rritje prej 110.8 milionë euro ose 10% krahasuar me periudhën e njëjtë të vitit paraprak.

Asetet në llogarinë financiare deri në nëntor 2023 ishin 760.3 milionë euro. Ndërsa, detyrimet financiare kanë shënuar vlerën prej 1,090.6 milionë euro, duke rezultuar në bilanc negativ prej 330.3 milionë euro.

Investimet direkte në Kosovë deri në fund të nëntorit 2023 ishin 761.1 milionë euro (682.8 milionë euro ishin deri në nëntor 2022), përderisa investimet direkte jashtë Kosovës shënuan vlerën 183.1 milionë euro (159.5 milionë euro deri në nëntor 2022).

Investimeve në letra me vlerë jashtë vendit, pa përfshirë letrat me vlerë në kuadër të aseteve rezervë, deri në nëntor 2023 janë rritur për 418.8 milionë euro.

Investimet tjera në Kosovë (investimet në depozita, kredi dhe në kredi tregtare) deri në fund të nëntorit 2023 ishin 329.5 milionë euro (318.1 milionë euro ishte deri në nëntor 2022), përderisa investimet tjera jashtë Kosovës deri në fund të nëntorit 2023 ishin 5.2 milion euro (79.4 milionë euro ishte deri në nëntor 2022). Si rezultat i ndryshimit në këtë pozicion, bilanci i investimeve të tjera deri në fund të nëntorit 2023 shënoi vlerë negative prej 324.3 milionë euro.

Asetet rezervë deri në nëntor 2023 janë rritur për 313 milionë euro, ndërsa në periudhën e njëjtë të vitit paraprak rritja ishte për 238.8 milionë euro.

Sipas kalendarit të publikimeve, BQK publikoi statistikat e bankave komerciale për muajin janar 2024 :

https://bqk-kos.org/statistikat/serite-kohore

Asetet e bankave komerciale kanë arritur vlerën në fund të muajit janar 2024 në 7.36 miliardë euro, duke shënuar ulje për 185.3 milionë euro, ose 2.5% krahasuar me muajin paraprak.

Investimet e bankave komerciale jashtë vendi (në formë të depozitave, letrave me vlerë dhe plasmanëve tjera) kanë arritur vlerën në fund të muajit janar 2024 në 1,19 miliardë euro, duke shënuar ulje për 73.1 milionë euro, ose 5.8% krahasuar me muajin paraprak.

Kreditë bruto kanë arritur vlerën në fund të muajit janar 2024 në 4.9 miliardë euro, duke shënuar ulje për 19.9 milionë euro, ose 0.41% krahasuar me muajin paraprak.

Vlera e kredive të reja në muajin janar 2024 ishte 137.9 milionë euro.

Depozitat e klientëve në janar 2024 kanë arritur vlerën prej 6.0 miliardë euro, duke shënuar ulje për 128.1 milionë euro, ose 2.1% krahasuar me muajin paraprak. Nga vlera e akumuluar e depozitave të klientëve rreth 25.9% janë të afatizuara. Sipas sektorëve, ekonomitë familjare dominojnë me rreth 66.7% të gjithsej vlerës së depozitave (rreth 4.02 miliardë euro).

Vlera e depozitave të reja në muajin janar 2024 ishte 90.4 milionë euro.

Raporti kredi-depozita në muajin janar 2024 ishte në nivelin 81.6%.

Gjithsej kapitali i bankave komerciale në fund të muajit janar 2024 arriti vlerën në 879.6 milionë euro. Ndërsa, provizionet për kredi u zvogëluan për 0.51 milionë euro apo 0.3% krahasuar me muajin paraprak duke arritur vlerën 148.54 milionë euro.

Norma mesatare e interesit në depozita në muajin janar 2024 ishte 2.74% (në dhjetor 2023 ka qenë 3.14%).

Norma mesatare e interesit në kredi në muajin janar 2024 ishte 6.38% (në dhjetor 2023 ka qenë 6.35%).

Margjina e normës së interesit në kredi dhe depozita në muajin janar 2024 ishte 3.6% (në dhjetor 2023 ka qenë 3.2%).

Sipas kalendarit të publikimeve, BQK publikoi statistikat për institucionet tjera financiare për muajin janar 2024, si dhe statistikat e remitancave për dhjetor 2023 dhe ato preliminare për janar 2024:

https://bqk-kos.org/statistikat/serite-kohore

Ndërmjetësitë tjerë financiarë

Asetet e ndërmjetësve tjerë financiar në fund të muajit janar 2024 janë zvogëluar për 1.7 milionë euro krahasuar me muajin paraprak, duke arritur vlerën 511.9 milionë euro.

Struktura e aseteve të sektorit mikrofinanciar dominohet nga kreditë, të cilat përbëjnë 71.1 % të gjithsej aseteve. Kreditë bruto të ndërmjetëseve tjerë financiar në janar 2024 arritën vlerën në 363.7 milionë euro, e cila përfaqëson rritje për 2.1 milionë euro krahasuar me periudhën paraprake. Sipas sektorëve, kreditë ndaj ekonomive familjare dominojnë me 61% totalin e kredive të sektorit mikrofinanciar.

Vlera kredive të reja të emetuara nga ndërmjetësit tjerë financiarë në muajin janar 2024 ishte 34.2 milionë euro.

Kompanitë e sigurimeve

Asetet e kompanive të sigurimit në fund të muajit janar 2024 arritën vlerën 312.2 milionë euro, e cila përfaqëson rritje për 6.8 milionë euro krahasuar me muajin paraprak.

Struktura e aseteve në sektorin e sigurimeve përbëhet nga bilanci me bankat komerciale, që përbëjnë 45.4%, letrat me vlerë dhe asetet e tjera 28.7 % dhe risigurimet me pjesëmarrje 14.7 %.

Fondet pensionale

Asetet e fondeve pensionale në fund të muajit janar 2024 janë rritur për 41 milionë euro krahasuar me muajin paraprak duke shënuar vlerën rreth 2.75 miliardë euro.

Struktura e aseteve të sektorit pensional dominohet nga letrat me vlerë të kapitalit, që përbejnë 74.5% të gjithsej aseteve.

Remitancat

Sipas vlerësimeve preliminare remitancat për muajin janar 2024 ishin rreth 84.6 milion euro. Prurjet më të mëdha edhe gjatë këtij muaji kanë qenë përmes IFJB 63.3%, përmes bankave 19.4%, ndërsa kanalet tjera 17.3.

Remitancat deri në fund të dhjetorit 2023 arritën vlerën rreth 1,343.4 milionë euro, e cila paraqet rritje vjetore prej 10%.

Për më gjerësisht publikimin mund ta gjeni në adresën në vijim:

https://view.officeapps.live.com/op/view.aspx?src=https%3A%2F%2Fbqk-kos.org%2Frepository%2Fdocs%2Ftime_series%2F31%2520Remittances-by%2520channel.xls&wdOrigin=BROWSELINK

Sipas kalendarit të publikimeve, BQK publikoi statistikat e Bilancit të Pagesave (BP) për muajin dhjetor 2023:

https://bqk-kos.org/statistikat/serite-kohore

Bilanci i pagesave deri në fund të dhjetor 2023 u karakterizua me një deficit të llogarisë rrjedhëse në vlerë prej 741.6 milionë euro, i cili tregon një përmirësim prej 19.1% krahasuar me periudhën e njëjtë të vitit të kaluar (917.1 milionë euro ishte deficiti deri në dhjetor 2022). Në zvogëlimin e deficitit të llogarisë rrjedhëse gjatë kësaj periudhe kanë ndikuar pozitivisht llogaria e shërbimeve dhe të ardhurat dytësore.

Bilanci tregtar në mallra deri në dhjetor 2023 kishte deficit në vlerë 4.6 miliardë euro, që është për 7.3% më i lartë krahasuar me periudhën e njëjtë të vitit paraprak. Eksporti për këtë periudhë është zvogëluar për 6.5% dhe shënoi vlerën 870.7 milionë euro (931.5 milionë euro ishte deri në dhjetor 2022). Ndërsa, importi i mallrave shënoi rritje prej 4.8% duke arritur vlerën 5,469.0 milionë euro (5,218.7 milionë euro ishte deri në dhjetor 2022).

Llogaria e shërbimeve, e cila vazhdimisht ka bilanc pozitiv, deri në dhjetor 2023 shënoi vlerën 1,631.6 milionë euro, e cila është për 18.8% më i lartë krahasuar me periudhën e njëjtë të vitit 2022.
Të ardhurat parësore deri në dhjetor 2023 shënuan bilanc pozitiv prej 165.5 milionë euro, e cila në periudhën e njëjtë të vitit të kaluar kishte vlerën 115.5 milionë euro, duke përfaqësuar rritje të theksuar prej rreth 43.3% krahasuar me një vit më parë.

Të ardhurat dytësore mbeten kontribuuesi kryesor në zbutjen e deficitit të llogarisë rrjedhëse. Deri në dhjetor 2023 kjo llogari shënoi rritje prej 9.5% krahasuar me periudhën e njëjtë të vitit 2022, duke arritur vlerën 2,059.5 milion euro (1,881.6 milionë euro ishte deri në dhjetor 2022).

Remitancat janë kategoria kryesore në kuadër të ardhurave dytësore, vlera e të cilave deri në dhjetor 2023 shënoi 1,343.4 milionë euro, që paraqet rritje prej 120.5 milionë euro ose 10% krahasuar me periudhën e njëjtë të vitit 2022.

Asetet në llogarinë financiare deri në dhjetor 2023 ishin 761.2 milionë euro. Ndërsa, detyrimet financiare kanë shënuar vlerën prej 1,188.0 milionë euro për të njëjtën periudhë.
Investimet direkte në Kosovë deri në fund të dhjetorit 2023 ishin 816.0 milionë euro (732.0 milionë euro deri në fund të dhjetorit 2022), përderisa investimet direkte jashtë Kosovës shënuan vlerën 193.2 milionë euro (175.2 milionë euro deri në dhjetor 2022).

Investimet në letra me vlerë jashtë, pa përfshirë letrat me vlerë në kuadër të aseteve rezervë, deri në dhjetor 2023 janë rritur për 439.6 milionë euro.

Investimet tjera (investimet në depozita, kredi dhe në kredi tregtare) deri në fund të dhjetorit 2023 ishin 372.0 milionë euro (454.3 milionë euro ishte deri në dhjetor 2022), ndërsa investimet tjera jashtë Kosovës deri në fund të dhjetorit 2023 ishin 172.4 milion euro (146.4 milion euro ishte deri në dhjetor 2022). Si rezultat i ndryshimit në këtë pozicion, bilanci i investimeve të tjera deri në fund të dhjetorit 2023 shënoi një vlerë negative prej 426.8 milionë euro.
Asetet rezervë deri në dhjetor 2023 janë zvogëluar për 44.0 milionë euro, ndërsa në periudhën e njëjtë të vitit paraprak rritja ishte për 67.6 milionë euro.

Titulli: “Planifikoni paratë tuaja, mbillni të ardhmen tuaj!”

Banka Qendrore e Republikës së Kosovës në kuadër të edukimit financiar dhe me qëllim të shënimit të Javës Ndërkombëtare të Parasë, fton nxënësit e klasave dhjeta, njëmbëdhjeta dhe dymbëdhjeta, të shkollave të mesme të Kosovës, të marrin pjesë në konkursin për Esenë më të mirë për edukim financar.

Titulli: “Planifikoni paratë tuaja, mbillni të ardhmen tuaj!”

Kriteret e konkursit

Eseja duhet të ketë maksimum 2 000 fjalë;

Eseja me temën “Planifikoni paratë tuaja, mbillni të ardhmen tuaj!”, mund të shtjellojë konceptet si në vijim:

rëndësinë e menaxhimit te parave,
- pikëpamjet tuaja mbi rolin dhe rëndësinë e menaxhimit të financave personale,
- ndikimi i sjelljes individuale financiare, jo vetëm për të ardhmen financiare, por edhe për mjedisin dhe shoqërinë,
- Qëndrimin e të rinjve lidhur me nevojat për edukim financiar, si dhe dëshirat / qëllimet që përpiqeni t’i realizoni përmes kursimeve tuaja;
Eseja duhet të jetë origjinale, kreative, motivuese dhe jo e kopjuar apo e përkthyer;
Eseja duhet të jetë në gjuhën Shqipe/ serbe/turke/boshnjake/angleze.

Punimet tuaja mund t’i dërgoni vetëm përmes postës elektronike në adresën: [email protected]

Në subjekt shënoni: “Konkursi për ese”

Mos harroni të shënoni :

– Emrin dhe mbiemrin;

– Emri i shkollës (klasa/ viti/ komuna/ fshati/ qyteti);
– Emri dhe mbiemri i prindit/kujdestarit si dhe adresa e banimit;
– Numri kontaktues i prindit/ kujdestarit/ profesorit.

Afati i fundit për dorëzimin e punimeve 30 prill 2023.

7 punimet më të mira do të shpërblehen si më poshtë:

Çmimi i I- 200 euro,

Çmimi i II -150 euro,

Çmimi i III-100 euro,( 5) .

Punimet e përzgjedhura si punime fituese do të kalojnë në pronësi të BQK-së, dhe do të përdoren si material edukativ.

Të interesuarit për informata shtesë, mund t’i drejtohen faqes zyrtare të BQK-së www.bqk-kos.org , platformës së BQK-së për Edukim Financiar http://edukimifinanciar.or g ose mund të na kontaktojnë përmes [email protected]. Pas përfundimit të procedurave të përzgjedhjes së eseve më të mira, do të kontaktohen vetëm nxënësit fitues. Suksese!

Sipas kalendarit të publikimeve, BQK publikoi bilancin e gjendjes, pasqyrën e BQK-së dhe asetet rezervë për shkurt 2024:

https://bqk-kos.org/statistikat/serite-kohore

Asetet e BQK-së në fund të muajit shkurt 2024 shënuan vlerën prej 1.56 miliardë euro, duke përfaqësuar rënie për 22.6 milionë euro krahasuar me muajin paraprak, kryesisht si rezultat i zvogëlimit të bilancit të depozitave të qeverisë (32.4 milionë euro), fondeve pensionale (3.0 milionë euro) dhe korporatave publike jofinanciare (1.4 milionë euro). Në anën tjetër është shënuar rritje në depozitat e bankave komerciale (9.5 milionë euro).

Nga gjithsej asetet, vlera e investimeve në depozita dhe letrat me vlerë jashtë vendit më 29 shkurt 2024 ishte 1.08 miliardë euro. Krahasuar me muajin paraprak, investimet e BQK-së jashtë vendit në formë të depozitave dhe letrave me vlerë janë rritur për 17.4 milionë euro, prej të cilave, investimet në depozita janë rritur për 56.9 milionë euro, ndërsa investimet në letra me vlerë janë zvogëluar për 39.5 milionë euro.

Depozitat në BQK më 29 shkurt 2024 ishin 1.29 miliard euro, prej të cilëve 430.5 milionë euro ishin nga qeveria qendrore, 558.0 milionë euro nga bankat komerciale, 166.8 milion euro nga AKP dhe 132.5 milion euro të tjerat.

Kapitali i BQK-së më 29 shkurt 2024 ishte 105.3 milionë euro,

Ndërsa, sa i përket aseteve të rezervës ndërkombëtare në fund të muajit shkurt 2024, ato shënuan vlerën 1.18 miliardë euro, e cila përfaqëson rënie për 10.94 milionë euro krahasuar me muajin paraprak. Kësaj rënie kryesisht i ka kontribuar zvogëlimi i investimeve në letra me vlerë për 32.46 milionë euro, ndërsa depozitat janë rritur për 23.63 milionë euro.

Sipas kalendarit të publikimeve, BQK publikoi statistikat e bankave komerciale për muajin shkurt 2024 :

https://bqk-kos.org/statistikat/serite-kohore

Asetet e bankave komerciale në fund të muajit shkurt 2024 kanë arritur vlerën në 7.4 miliardë euro, duke shënuar rritje për 29.9 milionë euro, ose 0.4% krahasuar me muajin paraprak.

Investimet e bankave komerciale jashtë vendi (në formë të depozitave, letrave me vlerë dhe plasmanëve tjera) kanë arritur vlerën në fund të muajit shkurt 2024 në 1,2 miliardë euro, duke shënuar ulje për 36.6 milionë euro, ose 3% krahasuar me muajin paraprak.

Kreditë bruto në fund të muajit shkurt kanë arritur vlerën në 4.95 miliardë euro, duke shënuar rritje për 60.4 milionë euro ose 1.2% krahasuar me muajin paraprak.

Vlera e kredive të reja në muajin shkurt 2024 ishte 172.2 milion euro.

Depozitat e klientëve në shkurt 2024 kanë arritur vlerën prej 6.0 miliardë euro, duke shënuar rritje për 12.3 milionë euro, ose 0.2% krahasuar me muajin paraprak. Nga vlera e akumuluar e depozitave të klientëve rreth 26.6% janë të afatizuara. Sipas sektorëve, ekonomitë familjare dominojnë me rreth 67.5% të gjithsej vlerës së depozitave (rreth 4.1 miliardë euro).

Vlera e depozitave të reja në muajin shkurt 2024 ishte 78.7 milionë euro.

Raporti kredi-depozita në muajin shkurt 2024 ishte në nivelin 82.4%.

Gjithsej kapitali i bankave komerciale në fund të muajit shkurt 2024 arriti vlerën në 894.1 milionë euro. Ndërsa, provizionet për kredi u zvogëluan për 0.4 milionë euro apo 0.3% krahasuar me muajin paraprak duke arritur vlerën 144.5 milionë euro.

Norma mesatare e interesit në depozita në muajin shkurt 2024 ishte 2.89% (në janar 2024 ka qenë 2.74%).

Norma mesatare e interesit në kredi në muajin shkurt 2024 ishte 6.34% (në janar 2024 ka qenë 6.38%).

Margjina e normës së interesit në kredi dhe depozita në muajin shkurt 2024 ishte 3.5% (në janar 2024 ka qenë 3.6%).

Publikohen statistikat e bilancit të pagesave për janar 2024

Sipas kalendarit të publikimeve, BQK publikoi statistikat e Bilancit të Pagesave (BP) për muajin janar 2024:

https://bqk-kos.org/statistikat/serite-kohore

Bilanci i pagesave në janar 2024 u karakterizua me suficit të llogarisë rrjedhëse në vlerë prej 12.4 milionë euro, i cili tregon një rënie prej 1.4% krahasuar me periudhën e njëjtë të vitit të kaluar (12.6 milionë euro ishte suficiti në janar 2023).

Bilanci tregtar në mallra në janar 2024 shënoi deficit në vlerë 289.2 milionë euro, që është për 9.4% më i lartë krahasuar me periudhën e njëjtë të vitit paraprak. Eksporti për këtë periudhë shënoi vlerën 60.9 milionë euro, duke paraqitur rënie prej 2.3% krahasuar me janar 2023 (62.3 milionë euro ishte në janar 2023). Ndërsa, importi i mallrave arriti vlerën 350.1 milionë euro duke paraqitur rritje prej 7.2% krahasuar me janar 2023 (326.7 milionë ishte euro në janar 2023).

Llogaria e shërbimeve, e cila vazhdimisht ka bilanc pozitiv, në janar 2024 shënoi vlerën 142.9 milionë euro, e cila është për 1.9% më e ulët krahasuar me periudhën e njëjtë të vitit kaluar.
Të ardhurat parësore në janar 2024 shënuan bilanc pozitiv prej 21.9 milionë euro, e cila në periudhën e njëjtë të vitit të kaluar kishte vlerë negative 11.1 mijë euro.

Të ardhurat dytësore mbeten kontribuesi kryesor në zbutjen e deficitit të llogarisë rrjedhëse. Në janar 2024 kjo llogari shënoi bilanc pozitiv prej 136.8 milionë euro, e cila paraqet rritje prej 4.1% krahasuar me periudhën e njëjtë të vitit kaluar (131.4 milionë euro ishte vlera në janar 2023).

Remitancat janë kategoria kryesore në kuadër të ardhurave dytësore, vlera e të cilave në janar 2024 shënoi 86.4 milionë euro, që paraqet rritje prej 2.4 milionë euro ose 2.8% krahasuar me periudhën e njëjtë të vitit 2023.

Asetet në llogarinë financiare në janar 2024 kanë shënuar bilanc negativ për 40.2 milionë euro, ndërsa, detyrimet financiare kanë shënuar bilanc pozitiv në vlerë prej 15.2 milionë euro.

Investimet direkte në Kosovë në janar 2024 shënuan vlerën 67.2 milionë euro (66.1 milionë euro ishte vlera në janari 2023), përderisa investimet direkte jashtë Kosovës shënuan vlerën 15.4 milionë euro (10.3 milionë euro ishte vlera në janar 2023).

Asetet rezervë në janar 2024 kanë shënuar bilanc pozitiv prej 15.2 milionë euro, ndërsa në periudhën e njëjtë të vitit paraprak ky bilanc ishte 43.0 milionë euro.