News Categories: Njoftime

Bordi i Bankës Qendrore të Republikës së Kosovës, në mbledhjen e mbajtur më 30 shtator 2019,  mori vendimet si në vijim: 

  • Miratimin e Rregullores për  Likuidimin e Siguruesve;
  • Miratimin e Rregullores për Përfitime Pensionale nga Pensionet Plotësuese Individuale;
  • Miratimin e Rregullores për Regjistrin e Kredive;
  • Miratimin e Stemës (logos) së re zyrtare të Bankës Qendrore të Republikës së Kosovës.

Gjithashtu, Bordi i Bankës Qendrore u njoftua me Raportin mujor të Guvernatorit/Bordit Ekzekutiv.

Bordi i Bankës Qendrore të Republikës së Kosovës, në mbledhjen e mbajtur më 29 gusht 2019,  mori vendimet si në vijim: 

  • Miratimin e Rregullores për Qeverisjen Korporative të Bankave;
  • Miratimin e Rregullores për Transaksionet me Personat e Ndërlidhur me Bankën dhe Punëtorët e Bankës;
  • Miratimin e Rregullores për Kamatëvonesën e Instrumenteve Kreditore.

Gjithashtu, Bordi i Bankës Qendrore u njoftua me Raportin mujor të Guvernatorit/Bordit Ekzekutiv.

Bordi i Bankës Qendrore të Republikës së Kosovës, në mbledhjen e mbajtur më 31 korrik 2019,  mori vendimet si në vijim: 

  • Miratimin e Pasqyrave Financiare të BQK-së për tremujorin e II-të për vitin 2019;
  • Miratimin e Rregullores për Drejtorët dhe Menaxherët e Lartë të Bankave;
  • Vendimin lidhur me Rekomandimin për Emërimin e Auditorit të Jashtëm të Bankës Qendrore.

Gjithashtu, Bordi i Bankës Qendrore u njoftua me raportin mujor të Guvernatorit/Bordit Ekzekutiv.

Raporti i Stabilitetit Financiar (RSF) ofron një pasqyrë të rreziqeve potenciale për stabilitetin financiar në vend, gjithmonë në funksion të sigurimit të objektivit parësor të BQK-së, ruajtjes së stabilitetit financiar përmes identifikimit dhe vlerësimit të rreziqeve që kanosin sistemin financiar dhe infrastrukturën e tij. 

Raporti synon jo vetëm ta informojë publikun mbi pozitën e stabilitetit financiar në vend, por edhe të ngrisë transparencën dhe nxisë debatin profesional mbi zhvillimet dhe sfidat e sistemit financiar të vendit dhe infrastrukturës së tij.

Në vitin 2018, kryesisht zhvillimet me ndikim në stabilitetin financiar ishin të favorshme, duke ndikuar që sistemi financiar të vazhdoj të karakterizohet me qëndrueshmëri. 

Sektori bankar vazhdon të karakterizohet me stabilitet të lartë, bazuar në nivelet e kënaqshme të treguesve të performancës dhe shëndetit financiar. 

Indeksi i agreguar i rrezikut të sektorit bankar ka shënuar rritje të lehtë krahasuar me vitin paraprak, i ndikuar kryesisht prej dinamikës së rrezikut të solvencës. 

Rezultatet e analizës stres-test sugjerojnë kapacitet të lartë të sektorit bankar për të përballuar tronditjet e mundshme në portfolion kreditore dhe atë të likuiditetit nën supozimin e disa skenarëve hipotetik të moderuar si dhe atyre më të rënduar. 

Performanca e sektorëve tjerë përbërës të sistemit financiar u karakterizua me disa luhatje jo të favorshme, megjithatë nuk paraqesin rrezik për stabilitetin financiar. 

Sektori pensional gjatë vitit 2018 u karakterizua me rritje më të ngadalësuar të aseteve dhe kthim negativ në investime si pasojë e luhatjeve negative në tregjet e jashtme financiare, ku ky sektor ka ekspozim të lartë. 

Tërheqja nga tregu e një prej siguruesve jetë u reflektua në zvogëlimin e aseteve të sektorit të sigurimeve në vitin 2018. Megjithatë, ky sektor mbylli edhe këtë vit me rezultat pozitiv financiar. 

Përderisa, me rritje të përshpejtuar të aktivitetit dhe performancë të lartë është karakterizuar sektori mikrofinanciar.  

Pritjet për vitin 2019 janë që rritja ekonomike të përshpejtohet lehtësisht, duke krijuar rrethana të favorshme për vazhdimin e rritjes së kreditimit të qëndrueshëm dhe mbështetjen e stabilitetit të profitabilitetit dhe kapitalizimit të sektorit bankar.

Bordi i Bankës Qendrore të Republikës së Kosovës, në mbledhjen e mbajtur më 24 qershor 2019,  mori vendim si në vijim: 

– Miratimin e Rregullores për Licencimin, Rregullimin dhe Mbikëqyrjen e Operatorëve të Sistemit të Pagesave.

Gjithashtu, Bordi i Bankës Qendrore u njoftua me Raportin mujor të Guvernatorit/Bordit Ekzekutiv.

Bordi i Bankës Qendrore të Republikës së Kosovës, në mbledhjen e mbajtur më 30 maj 2019,  mori vendimet si në vijim: 

–    Miratimin e Raportit Vjetor 2018 të BQK-së;
–    Miratimin e Pasqyrave Financiare të BQK-së për vitin 2018;
–    Miratimin e Pasqyrave Financiare të BQK-së për tremujorin e I-rë për vitin 2019;
–    Miratimin e Rregullores për Llogaritjen e Kufirit Minimal të Aftësisë Paguese, Adekuatshmërisë së Kapitalit dhe Fondit Garantues për Siguruesit Jojetë

Gjithashtu, Bordi i Bankës Qendrore u njoftua me Raportin mujor të Guvernatorit/Bordit Ekzekutiv, Raportin tremujor janar-mars 2019 të Auditimit të Brendshëm, si dhe u informua lidhur me aktivitetet Delegacionit të BQK-së gjatë pjesëmarrjes në takimet e pranverore të Fondit Monetar Ndërkombëtar dhe Bankës Botërore të mbajtura në Uashington.

Takim nr. 10/2019, 26 prill 2019

Bordi Ekzekutiv ka miratuar revokimin e licencës së siguruesit “Insig” Sh.A. Dega Kosovë dhe hapjen e procedurave të likuidimit të detyrueshëm ndaj tij.

Bordi i Bankës Qendrore të Republikës së Kosovës, në mbledhjen e mbajtur më 25 prill 2019,  mori vendimet si në vijim: 

  • Vendim për Miratimin e  Rregullores për Riblerje të Letrave me Vlerë me Bankën Qendrore të Republikës së Kosovës;
  •  Vendim për Rialokim të Buxhetit 2019 për Shpenzime Operative.

Gjithashtu, Bordi i Bankës Qendrore u njoftua me Raportin mujor të Guvernatorit/Bordit Ekzekutiv dhe Raportin Informues mbi Zbatimin e Programit Kombëtar për Zbatimin e Marrëveshjes së Stabilizim Asociimit (PKZMSA) nga BQK për vitin 2018.

Me miratimin nga Kuvendi i Republikës së Kosovës të tri ligjeve kyçe për zhvillimin e sektorit financiar të vendit: Ligjin 08/L-304 për Bankat, Ligjin 08/L-328 për Shërbimet e Pagesave dhe Ligjin 08/L-333 për Parandalimin e Pastrimit të Parave dhe Luftimin e Terrorizmit, njëkohësisht është hapur rruga për hapat e radhës për anëtarësimin e Republikës së Kosovës në Zonën Unike të Pagesave në Euro (SEPA).

Tri ligjet themelore të miratuara në harmoni me legjislacionin e Bashkimit Evropian, përbëjnë një hap të rëndësishëm drejt integrimit në tregun financiar të BE-së dhe avancimin e transparencës dhe gjithëpërfshirjes financiare, dhe do të kenë ndikim të rëndësishëm në ekonominë e vendit tonë, veçanërisht për lëvizjen e lirë të kapitalit me partnerin më të madh të Republikës së Kosovës, Bashkimin Evropian, si dhe me vendet e rajonit.

Banka Qendrore e Republikës së Kosovës (BQK) do të procedojë me miratimin e rregulloreve që dalin nga këto ligje dhe përditësojë para-aplikimin e bërë më 14 tetor në DG FISMA dhe në Këshillin Evropian të Pagesave (EPC) me informata plotësuese përfshi rregullativën e re të miratuar.

Miratimi i këtyre ligjeve dhe integrimi në SEPA pritet të sjellin përfitime të konsiderueshme ekonomike, por edhe benefite tjera, duke përfshirë një kursim vjetor të vlerësuar prej rreth 55 milionë euro nga tarifat për transferet ndërkombëtare, njëkohësisht duke rritur efikasitetin dhe shpejtësinë e transaksioneve, konkurrencën dhe gjithë përfshirjen në tregun e pagesave, si dhe transparencën, mbrojtjen e konsumatorëve të shërbimeve financiare dhe integritetin e sistemit financiar.

BQK-ja shpreh mirënjohje për institucionet e Republikës së Kosovës, për mbështetjen në finalizimin e nismave të saj ligjore, por edhe atyre evropiane, si Komisioni Evropian, në veçanti DG FISMA dhe DG NEAR, si dhe ekipeve të Bankës Botërore për kontributin dhe mbështetjen gjatë procesit të përgatitjes së ligjeve dhe rregulloreve të nevojshme për plotësimin e kritereve për anëtarësim në SEPA.

Takim nr. 08/2019, 5 prill 2019

Bordi Ekzekutiv ka miratuar Manualin e mbikëqyrjes së bazuar në rrezik për fondet pensionale.

Bordi Ekzekutiv ka miratuar licencimin e kompanisë së brokerimit “Alberti – Broker i Sigurimeve” si ndërmjetësues në sigurime.

Skip to content