Ballina > Rreth BQK > Auditimi i Brendshem > Shefi i Auditimit

Labinot Lekaj

Labinot Lekaj është profesionist me përvojë të gjerë në auditim dhe menaxhim të financave publike, me mbi 21 vite përvojë në pozita kyçe në sektorin publik dhe në bankën qendrore. Ai aktualisht është Shef i Auditimit të Brendshëm në Bankën Qendrore të Republikës së Kosovës, ku udhëheq funksionin e auditimit të brendshëm me fokus në forcimin e qeverisjes, menaxhimin efektiv të rreziqeve dhe rritjen e cilësisë së kontrollit të brendshëm.

Është i diplomuar në Fakultetin Ekonomik të Universitetit të Prishtinës “Hasan Prishtina” dhe ka ndjekur programe të avancuara profesionale në institucione ndërkombëtare të nivelit të lartë, përfshirë Bankën e Rezervës Federale të Nju Jorkut (Federal Reserve Bank of New York), Bankën e Francës (Banque de France), Bankën e Holandës (De Nederlandsche Bank), Fondin Monetar Ndërkombëtar (IMF) dhe Bankën Botërore, duke ndërtuar ekspertizë të konsoliduar në auditim të brendshëm, menaxhim të rrezikut, financa publike dhe qeverisje institucionale.

Karrierën e ka filluar si Auditor i Jashtëm në Zyrën Kombëtare të Auditimit dhe më pas si Auditor i Brendshëm në Agjencinë Kosovare të Privatizimit, ku ka kontribuar në forcimin e kontrollit të brendshëm dhe rritjen e transparencës institucionale. Gjatë viteve 2013–2019, ka kontribuar në zhvillimin e kapaciteteve profesionale të auditorëve në sektorin publik përmes Programit Kombëtar për Certifikimin e Auditorëve të Brendshëm.

Shiko CV

Përgjegjësitë e Shefit/es të/së Auditimit të Brendshëm

Në përputhje me Nenin 61, të Ligjit nr.03/L-209 për Bankën Qendrore të Republikës së Kosovës, Shefi/ja i/e Auditimit të Brendshëm, ndër të tjera ka për detyrë:

Të paraqes në Komitetin e Auditimit, Bordin e Bankës Qendrore dhe Bordin Ekzekutiv, rishikime dhe rekomandime rreth procedurave dhe praktikave për menaxhimin e duhur të rrezikut dhe pasi këto procedura dhe praktika të jenë përcaktuar, edhe mbikëqyrje të zbatimit të tyre në baza të vazhdueshme;

Të realizoj auditime periodike të administrimit dhe operacioneve të BQK për të siguruar respektimin e mbikëqyrjes së duhur të ligjeve dhe vendimeve të organeve vendimmarrëse që janë nxjerrë dhe janë të aplikueshme në BQK;

Të rishikoj pasqyrat financiare periodike të referuara në Nenin 59, paragrafët 2 dhe 4 të Ligjit të BQK dhe dokumenteve tjera të BQK që kanë të bëjnë me to;

Të përgatis dhe dorëzoj në Bordin e Bankës Qendrore, kurdo që konsiderohet e duhur nga Bordi apo Komiteti i Auditimit, por, të paktën një herë në çdo tremujor, raport dhe rekomandime që kanë të bëjnë me evidencat dhe pasqyrat financiare, procedurat buxhetore dhe kontabël, menaxhimin e rrezikut dhe kontrolleve tjera të zbatuara nga BQK, të efikasitetit dhe rentabilitetit me të cilët vepron BQK-ja, si dhe të çdo çështjeje tjetër brenda kompetencave dhe fushës së përgjegjësive për të cilën një raport mund të kërkohet nga Bordi i Bankës Qendrore, Komiteti i Auditimit apo Bordi Ekzekutiv;

Të këshilloj Guvernatorin/en në rekrutimin e auditorëve të brendshëm, në cilësinë e Kryetarit/es të/së Komisionit të Vlerësimit për rekrutimin e personelit të AB;

Të vlerësoj përshtatshmërinë dhe efektivitetin e kontrollit të brendshëm, administrimit të rreziqeve dhe proceseve të qeverisjes;

Të kryej çdo detyrë tjetër që mund t’i kërkohet nga Bordi i Bankës Qendrore apo Komiteti i Auditimit, me kusht që këto detyra të mos pengojnë në detyrat kryesore të parashtruara më sipër; dhe

Të komunikoj dhe mbaj kontakte të vazhdueshme me auditorët e jashtëm të BQK;

Shefi/ja i/e Auditimit të Brendshëm nuk mund të ketë role tjera brenda BQK-së, përpos atyre të specifikuara me Ligjin e Bankës Qendrore të Republikës së Kosovës, si dhe me këtë Statut.