Cmimi-per-ekonomist-2-1024x605
Banka Qendrore e Republikës së Kosovës në kuadër të edukimit financiar dhe me qëllim të shënimit të Javës Ndërkombetare të Parasë, fton nxënësit e shkollave të mesme të Kosovës, të marrin pjesë në konkursin për esenë më të mirë në fushë e financave dhe ekonomisë.
Motoja e Javës Ndërkombetare të Parasë për 2021 është: “Kujdesu për veten, kujdesu për paratë”.
 Kriteret e konkursit
Eseja duhet të ketë 1000 deri 1500 fjalë;
Eseja duhet të shtjellojë pikëpamje personale për rëndësinë e menaxhimit të financave personale, rolin e kursimit në ekonomi, rëndësinë e kursimit për të ardhmen, rolin e kursimit në tejkalimin e sfidave të krizës, qëndrimi i të rinjve ndaj kursimit, zakone familjare të kursimit, format klasike përkundër formave moderne të kursimit, njohuritë e të rinjve për kursimin në institucionet financiare, qëndrimi i të rinjve lidhur me nevojat për edukim financiar dhe aspekte të tjera.
Eseja duhet të jetë origjinale, kreative dhe jo e kopjuar apo përkthyer;
Eseja duhet të jetë në gjuhën shqipe.
Punimet tuaja mund t’i dërgoni vetëm përmes postës elektronike në adresën: [email protected].
Në subjekt shënoni: “Për Konkursin me rastin e Javës Ndërkombëtare të Parasë”
Mos harroni të shënoni :
– Emrin dhe mbiemrin;      
– Emri i shkollës (klasa/ viti/ komuna/ fshati/ qyteti);
– Emri dhe mbiemri i prindit/kujdestarit si dhe adresa e banimit;
– Numri kontaktues i prindit/ kujdestarit/ mësuesit/ profesorit.
Afati i fundit për dorëzimin e punimeve nga 22 mars deri më 22 prill.
3 esetë më të mira do të shpërblehen si më poshtë:
Çmimi i I- 200 euro,
Çmimi i II -150 euro,
Çmimi i III-100 euro
Esetë fituese do të kalojnë në pronësi të BQK-së dhe do të përdoren si material edukativ.
Të interesuarit, për informata shtesë, mund t’i drejtohen faqes zyrtare të BQK-së  www.env2.bqk-kos.org , platformës së  BQK-së për Edukim Financiar http://edukimifinanciar.org ose mund të na kontaktojnë me email në [email protected] . Pas përfundimit të procedurave të përzgjedhjes së eseve më të mira, do të kontaktohen vetëm nxënësit fitues. Suksese!
Lajmi i kaluar BQK shënon Javën Ndërkombëtare të Parasë
BQK shënon Javën Ndërkombëtare të Parasë
Lajmi i radhës Guvernatori Mehmeti takoi Kryetarin e Kuvendit të Maqedonisë së Veriut Talat Xhaferi
Guvernatori Mehmeti takoi Kryetarin e Kuvendit të Maqedonisë së Veriut Talat Xhaferi
Skip to content