Këshilli Kombëtar i Pagesave është ndërtuar sipas udhëzimeve të Bankës Botërore dhe praktikave më të mira ndërkombëtare në fushën e pagesave, si dhe duke marr në konsideratë nevojat dhe specifikat e tregut të pagesave në Kosovë. KKP është një organ këshillues, vendimet e të cilit nuk janë detyruese për BQK-në apo ndonjë nga institucionet pjesëmarrëse, por kanë karakter këshillues bazuar në rolin dhe qëllimin e themelimit të këshillit. KKP përfshinë akterët relevant të sektorit publik dhe privat, përmes të cilit avancohet bashkëpunimi ndërmjet të gjithë pjesëmarrësve të tregut të pagesave, si nga pjesa e ofruesve ashtu edhe përdoruesve të shërbimeve të pagesave. Bashkëpunimi është një faktor i domosdoshëm për fushat e karakterit gjithëpërfshirës siç është rrjeti i shërbimeve të pagesave, i nevojshëm sidomos për arritjen e interoperabilitetit që kërkohet ndërmjet sistemeve dhe instrumenteve të pagesave për një shkëmbim të shpejt, të sigurt, efikas dhe pa pengesa të transaksioneve. KKP pritet të mbështes dhe të kontribuoj në avancimin e mëtejmë të tregut të pagesave, përmes të cilit do të diskutohen, drejtohen dhe monitorohen iniciativat dhe zhvillimet e reja në fushën e sistemit të pagesave në Kosovë dhe integrimit të tij me rajonin dhe BE-në.