Ballina > Rreth BQK > Auditimi i Brendshem > Shefi i Auditimit

Labinot Lekaj

Labinot Lekaj është një profesionist me përvojë të thellë në auditim dhe menaxhim të financave publike, duke sjellë mbi 19 vite përvojë të suksesshme në rolet e larta të auditimit.

I diplomuar në Fakultetin Ekonomik të Universitetit të Prishtinës “Hasan Prishtina”, ai ka ndjekur programe të specializuara ndërkombëtare nga institucione prestigjioze si Banka e Rezervës Federale të Nju Jorkut (Federal Reserve Bank of New York), Banka e Francës (Banque De France), Banka e Holandës (DeNederlandscheBank), Fondi Monetar Ndërkombëtar (International Monetary Fund), Banka Botërore (World Bank) dhe Akademia Nacionale e Ministrisë së Financave të Holandës, duke avancuar njohuritë në auditim, menaxhim të rrezikut, menaxhim të financave publike dhe transparencë institucionale.

Karrierën e tij e ka filluar si Auditor i Jashtëm në Zyrën Kombëtare të Auditimit, ku ka monitoruar funksionet kritike të auditimit të jashtëm, dhe më pas ka shërbyer si Auditor i Brendshëm në Agjencinë Kosovare të Privatizimit. Aktualisht, si Shef i Auditimit të Brendshëm në Bankën Qendrore të Kosovës, ai udhëheq funksionin e auditimit të brendshëm me fokus në mbështetjen e përputhshmërisë, kontrollin e cilësisë së proceseve dhe ruajtjen e integritetit institucional.

Shiko CV

Përgjegjësitë e Shefit/es të/së Auditimit të Brendshëm

Në përputhje me Nenin 61, të Ligjit nr.03/L-209 për Bankën Qendrore të Republikës së Kosovës, Shefi/ja i/e Auditimit të Brendshëm, ndër të tjera ka për detyrë:

Të paraqes në Komitetin e Auditimit, Bordin e Bankës Qendrore dhe Bordin Ekzekutiv, rishikime dhe rekomandime rreth procedurave dhe praktikave për menaxhimin e duhur të rrezikut dhe pasi këto procedura dhe praktika të jenë përcaktuar, edhe mbikëqyrje të zbatimit të tyre në baza të vazhdueshme;

Të realizoj auditime periodike të administrimit dhe operacioneve të BQK për të siguruar respektimin e mbikëqyrjes së duhur të ligjeve dhe vendimeve të organeve vendimmarrëse që janë nxjerrë dhe janë të aplikueshme në BQK;

Të rishikoj pasqyrat financiare periodike të referuara në Nenin 59, paragrafët 2 dhe 4 të Ligjit të BQK dhe dokumenteve tjera të BQK që kanë të bëjnë me to;

Të përgatis dhe dorëzoj në Bordin e Bankës Qendrore, kurdo që konsiderohet e duhur nga Bordi apo Komiteti i Auditimit, por, të paktën një herë në çdo tremujor, raport dhe rekomandime që kanë të bëjnë me evidencat dhe pasqyrat financiare, procedurat buxhetore dhe kontabël, menaxhimin e rrezikut dhe kontrolleve tjera të zbatuara nga BQK, të efikasitetit dhe rentabilitetit me të cilët vepron BQK-ja, si dhe të çdo çështjeje tjetër brenda kompetencave dhe fushës së përgjegjësive për të cilën një raport mund të kërkohet nga Bordi i Bankës Qendrore, Komiteti i Auditimit apo Bordi Ekzekutiv;

Të këshilloj Guvernatorin/en në rekrutimin e auditorëve të brendshëm, në cilësinë e Kryetarit/es të/së Komisionit të Vlerësimit për rekrutimin e personelit të AB;

Të vlerësoj përshtatshmërinë dhe efektivitetin e kontrollit të brendshëm, administrimit të rreziqeve dhe proceseve të qeverisjes;

Të kryej çdo detyrë tjetër që mund t’i kërkohet nga Bordi i Bankës Qendrore apo Komiteti i Auditimit, me kusht që këto detyra të mos pengojnë në detyrat kryesore të parashtruara më sipër; dhe

Të komunikoj dhe mbaj kontakte të vazhdueshme me auditorët e jashtëm të BQK;

Shefi/ja i/e Auditimit të Brendshëm nuk mund të ketë role tjera brenda BQK-së, përpos atyre të specifikuara me Ligjin e Bankës Qendrore të Republikës së Kosovës, si dhe me këtë Statut.