Guvernatori Nurboja priti në takim ambasadorin turk Angili

Ushtruesi i detyrës së guvernatorit të Bankës Qendrore të Republikës së Kosovës, Bashkim Nurboja i shoqëruar nga u.d zëvendësguvernatori për Mbikëqyrje Financiare, Nexhat Kryeziu, kanë pritur në takim, ambasadorin e Turqisë në vendin tonë, Tunç Angili.

Në këtë takim është diskutuar për zhvillimet e fundit në sektorin financiar dhe rolin e Turqisë në investimet në Kosovë sidomos në sektorin financiar.

Me këtë rast, Guvernatori Nurboja ka falënderuar Turqinë për ndihmën që i ka dhënë dhe vazhdon t’i japë Kosovës në zhvillimin ekonomik dhe financiar.

Nga ana tjetër, ambasadori Tunç Angili, ka shprehur gatishmërinë për të rritur bashkëpunimin mes dy institucioneve.