Auditimi i Brendshëm në Bankën Qendrore të Republikës së Kosovës

Auditimi i Brendshëm (AB) është një funksion kyç që ndihmon Bankën Qendrore të Kosovës në sigurimin e llogaridhënies dhe në përmirësimin e kontrolleve të brendshme. Ai ofron besueshmëri mbi qëndrueshmërinë dhe efektivitetin e proceseve financiare dhe administrative.

Me një qasje të pavarur në kryerjen e auditimeve, AB ofron një siguri të arsyeshme për Bordin e Bankës Qendrore, Komitetin e Auditimit dhe Bordin Ekzekutiv lidhur me efektivitetin e dizajnimit dhe funksionimit të mekanizmave të kontrollit të brendshëm.

Shefi i Auditimit

Roli dhe Angazhimet e Auditimit të Brendshëm

Auditimi i Brendshëm luan një rol të rëndësishëm për të ndihmuar menaxhmentin dhe Bordin e Bankës Qendrore që të përmbushin objektivat e tyre me efektivitet. Funksioni përfshin të gjitha njësitë organizative të BQK-së, përfshirë ato të kontraktuara për të kryer veprimtari për të.

Llojet e angazhimeve kryesore

Auditime të pajtueshmërisë

Sigurimi i përputhshmërisë me kornizat ligjore, politikat dhe procedurat.

Auditime financiare

Vlerësimi i saktësisë së regjistrimeve financiare, pasqyrave financiare, pasurive dhe buxhetit.

Auditime të performancës

Vlerësimi i efektivitetit, efikasitetit dhe ekonomizimit të operacioneve.

Auditime të Teknologjisë së Informacionit

Rishikimi i infrastrukturës dhe aplikacioneve të TI-së.

Auditime të biznesit (jo-TI):

Analiza e funksioneve dhe proceseve të tjera të biznesit.

Auditime të ndërthurura

Vlerësimi i funksioneve/proceseve bashkë me aplikacionet që i mbështesin.

Auditime për dhënie sigurie

Të planifikuara në bazë vjetore për të siguruar përmbushjen e standardeve.

Shërbime këshillimore

Me kërkesë të menaxhmentit ose udhëheqësve të njësive.

Auditime specifike

Kërkesa të veçanta nga Bordi i Bankës Qendrore, Komiteti i Auditimit, Guvernatori apo Shefi/ja i/e Auditimit të Brendshëm.

Struktura dhe Raportimi

Shefi/ja i/e Auditimit të Brendshëm e udhëheq funksionin e AB-së dhe raporton drejtpërdrejt Komitetit të Auditimit dhe Bordit të Bankës Qendrore të Republikës së Kosovës, duke rritur kështu transparencën dhe llogaridhënien në institucion. Kompetencat dhe përgjegjësitë e tij/saj janë të përcaktuara nga Ligji i Bankës Qendrore, Statuti i Auditimit të Brendshëm dhe dokumentet tjera relevante.

Organizimi i Auditimit të Brendshëm