Aktivitetet

KONKURS – “Konkursi për ese”

Banka Qendrore e Republikës së Kosovës në kuadër të edukimit financiar dhe me qëllim të shënimit të Ditës Botërore të Kursimeve, fton nxënësit e klasave gjashtë, shtatë, tetë dhe nëntë të shkollave fillore të Kosovës, të marrin pjesë në konkursin për Esenë më të mirë për kursimet.

Tema është: “Rëndësia e kursimeve të mia”

Kriteret e konkursit

• Eseja duhet të ketë maksimum 1.500 fjalë;
• Eseja duhet të shtjellojë rëndësinë e kursimit për të ardhmen, të tregojë pikëpamjen tuaj  mbi rolin dhe rëndësinë e kursimeve, ndonjë rrëfim personal për kursimet, mënyrat  e kursimit të parave tani kundrejt mënyrave klasike të kursimit, qëndrimi i të rinjve lidhur me nevojat për edukim financiar, si dhe dëshirat / qëllimet që përpiqeni t’i realizoni përmes kursimeve tuaja;
• Eseja duhet të jetë origjinale, kreative, motivuese dhe jo e kopjuar apo e përkthyer;
• Eseja duhet të jetë në gjuhën shqipe.

Punimet tuaja mund t’i dërgoni vetëm përmes postës elektronike në adresën: edukimi@bqk-kos.org

Në subjekt shënoni: “Konkursi për ese”

Mos harroni të shënoni :

– Emrin dhe mbiemrin;      

– Emri i shkollës (klasa/ viti/ komuna/ fshati/ qyteti);
– Emri dhe mbiemri i prindit/kujdestarit si dhe adresa e banimit;
– Numri kontaktues i prindit/ kujdestarit/ mësuesit/ profesorit.

Afati i fundit për dorëzimin e punimeve 30 nëntor 2021

4 punimet më të mira do të shpërblehen si më poshtë:

Çmimi i I- 200 euro,

Çmimi i II -150 euro,

Çmimi i III-120 euro, ndërsa

Çmimi i IV- 100 euro.

Punimet e përzgjedhura si punime fituese do të kalojnë në pronësi të BQK-së dhe do të përdoren si material edukativ.

Të interesuarit për informata shtesë, mund t’i drejtohen faqes zyrtare të BQK-së  www.bqk-kos.org , platformës së  BQK-së për Edukim Financiar http://edukimifinanciar.org ose mund të na kontaktojnë përmes info@bqk-kos.org. Pas përfundimit të procedurave të përzgjedhjes së eseve më të mira, do të kontaktohen vetëm nxënësit fitues. Suksese!