Programi i praktikës për studentë

Programi i praktikës për studentë

Qëllimi dhe kohëzgjatja:

Programi i praktikës për studentë i ofruar nga BQK-ja mundëson lidhjen midis njohurive teorike të fituara gjatë studimeve dhe punës praktike në institucionet publike të pavarura. Ky program zgjatë katër javë dhe nuk nënkupton në asnjë mënyrë ndonjë marrëdhënie formale pune me BQK-në.
Gjatë praktikës studentet e përzgjedhur do të vendosen nëpër njësi organizative të caktuara të BQK-së dhe do të punojnë nën udhëzimet e mbikëqyrësve të njësive përkatëse. Në fund të praktikës, studentët do të pajisen me certifikata për kryerjen e programit në fjalë.

Si mund të aplikoni?

Në rend të parë, studentëve u rekomandohet të shikojnë në ueb-faqen e BQK-së dhe të familjarizohen me detyrat dhe përgjegjësitë e institucionit tonë. Pastaj para se të aplikoni, ju lutemi të lexoni me kujdes aplikacionin për praktikë dhe konform kësaj të përcaktoheni për fushat e interesit ose njësitë organizative të cilat i konsideroni të dobishme për kryerjen e praktikës si:

• Departamenti i Mbikëqyrjes Bankare;
• Departamenti i Mbikëqyrjes e Sigurimeve;
• Departamenti i Licencimit dhe Standardizimit;
• Departamenti i Menaxhimit të Mjeteve dhe Rezervave;
• Departamenti i Infrastrukturës së Tregut dhe Pagesave;
• Departamenti i Menaxhimit të Rrezikut;
• Departamenti i Financave;
• Departamenti i Marrëdhënieve me Publikun dhe Edukim Financiar;
• Departamenti i Administratës dhe Mbështetjes.

Praktika mësimore në Bankën Qendrore të Republikës së Kosovës mund të kryhet nga studentët të cilët plotësojnë kriteret si më poshtë:

• Të jenë në mbarim të studimeve bachelor apo master: në fushat e ekonomisë, juridik, shkenca e inxhinierisë, matematikës ose të ngjashme;
• Preferohen studentët me notë mesatare mbi 8;
• Të kenë aftësi për të punuar në grup dhe individualisht;
• Të kenë njohuri shumë të mira të kompjuterit në programet e MS Office (mundësisht me dëshmi përkatëse).

Të gjithë studentët duhet të dërgojnë dokumentet e mëposhtme:

• Formularin zyrtar të BQK-së për aplikim për “Programi i praktikës për studentë”;
• Letrën përcjellëse (motivuese) ku theksohet interesimi për praktike;
• Lista e notave nga universiteti përkatës (në rasti se kandidati vazhdon studimet e larta duhet të ketë listën e notave të gjitha semestrave të përfunduar deri në momentin e aplikimit);
• Një letër referencë nga një pedagog/profesor nga universiteti i përkatës apo rekomandim nga universiteti;
• Kopja e letërnjoftimit apo ndonjë dokumentit tjetër identifikues.

Procedura e aplikimit:

• Afati i fundit për aplikim është 12 korrik 2024.
• Aplikimi mund të bëhet përmes postë elektronike në praktika@bqk-kos.org ose të dorëzohet direkt në arkivin e BQK-së, rruga Garibaldi 33, 10000 Prishtinë, Republika e Kosovës.
• Formën e aplikacionit mund ta shkarkoni përmes faqes zyrtare : bqk-kos.org
• Dokumentacionet e pakompletuara nuk do të merren parasysh.

Shpallje për praktikë

Titulli:                                     Praktikantë, pesë  (5) pozita

Departamenti:                       Teknologjisë Informative dhe Sigurisë

Në kuadër të programit “Praktika profesionale me studentë” Banka Qendrore e Republikës së Kosovës (BQK) shpall konkurs për pranimin e pesë (5) praktikantëve, me kohë të caktuar për një periudhe deri më 12 muaj. Objektivi kryesor i këtij programi është që stafi profesional i BQK-së të ndaj përvojat me studentët të cilët do të kryejnë këtë praktikë. Programi i praktikës për studentë  u mundëson lidhjen midis njohurive të fituara gjatë studimeve dhe punës praktike në institucionet publike të pavarura. Ky program zgjatë deri më 12 muaj, varësisht nga interesimi dhe suksesi i kandidatëve dhe nuk nënkupton në asnjë mënyrë marrëdhënie formale pune me BQK-në.

Studentët do të angazhohen në kryerjen e detyrave të përditshme së bashku me stafin e Departamentit të Teknologjisë Informative dhe Sigurisë, me ç’rast do të bëhet edhe bartja e përvojës së punës nga stafi i departamentet te praktikantët e angazhuar.

Njohuritë e kërkuara:

• Kandidatët duhet të jenë studentë në studime universitare në fushën e shkencave kompjuterike, FSHMN ose FIEK;
• Të kenë aftësi të mira komunikimi dhe në punë ekipore;
• Kandidatët me njohuri të mira në fushën e teknologjisë informative kanë një përparësi;

Të gjithë kandidatët duhet të dërgojnë dokumentet e mëposhtme:

• Formularin zyrtar të BQK-së për aplikim për “Programi i praktikës për studentë”;
• Letrën përcjellëse (motivuese) ku theksohet interesimi për praktike në BQK;
• Lista e notave nga universiteti përkatës;
• Një letër referencë;
• Kopja e letërnjoftimit apo ndonjë dokumenti tjetër identifikues;

Procedura e aplikimit:

• Afati i fundit për aplikim është deri më 19 shkurt 2024.
• Aplikimi mund të bëhet në email adresën praktika@bqk-kos.org ose përmes zyrës së Arkivit të BQK-së. Format tjera të aplikimit nuk do të merren parasysh.
• Formulari i aplikacionit mund të shkarkohet përmes faqes zyrtare: bqk-kos.org

Programi i praktikës për studentë

Programi i praktikës për studentë

Qëllimi dhe kohëzgjatja:

Programi i praktikës për studentë i ofruar nga BQK-ja mundëson lidhjen midis njohurive teorike të fituara gjatë studimeve dhe punës praktike në institucionet publike të pavarura. Ky program zgjatë katër javë dhe nuk nënkupton në asnjë mënyrë ndonjë marrëdhënie formale pune me BQK-në.
Gjatë praktikës studentet e përzgjedhur do të vendosen nëpër njësi organizative të caktuara të BQK-së dhe do të punojnë nën udhëzimet e mbikëqyrësve të njësive përkatëse. Në fund të praktikës, studentët do të pajisen me certifikata për kryerjen e programit në fjalë.

Si mund të aplikoni?

Në rend të parë, studentëve u rekomandohet të shikojnë në ueb-faqen e BQK-së dhe të familjarizohen me detyrat dhe përgjegjësitë e institucionit tonë. Pastaj para se të aplikoni, ju lutemi të lexoni me kujdes aplikacionin për praktikë dhe konform kësaj të përcaktoheni për fushat e interesit ose njësitë organizative të cilat i konsideroni të dobishme për kryerjen e praktikës si:

• Departamenti i Mbikëqyrjes Bankare;
• Departamenti i Mbikëqyrjes e Sigurimeve;
• Departamenti i Licencimit dhe Standardizimit;
• Divizioni i Ankesave për Shfrytëzuesit Financiar;
• Divizioni i Parandalimit të Pastrimit të Parasë;
• Divizioni i Mbikëqyrjes Pensionale dhe TLV;
• Departamenti i Administratës;
• Departamentin i Menaxhimit të Mjeteve;
• Departamenti i Sistemit të Pagesave;
• Departamenti i Teknologjisë Informative;
• Departamenti i Statistikës;
• Divizioni i Regjistrit të Kredive;
• Divizioni i Rishqyrtimit;
• Departamenti i Planifikimit dhe Raportimit Financiar;
• Departamenti i Marrëdhënieve me Jashtë;
• Departamenti Juridik;
• Departamenti i Stabilitetit Financiarë dhe Analizat Ekonomike;
• Departamenti i Menaxhimit të Rrezikut;
• Departamenti i Burimeve Njerëzore.

Praktika mësimore në Bankën Qendrore të Republikës së Kosovës mund të kryhet nga studentët të cilët plotësojnë kriteret si më poshtë:

• Të jenë në mbarim të studimeve të larta universitare brenda ose jashtë vendit (preferohet së paku të kenë të mbaruar vitin e dytë); si fakultetin ekonomik ose të ngjashme, juridik dhe shkenca kompjuterike;
• Preferohen studentët me notë mesatare mbi 8;
• Të kenë aftësi për të punuar në grup dhe individualisht;
• Të kenë njohuri shumë të mira të kompjuterit në programet e MS Office (mundësisht me dëshmi përkatëse).

Të gjithë studentët duhet të dërgojnë dokumentet e mëposhtme:

• Formularin zyrtar të BQK-së për aplikim për “Programi i praktikës për studentë”;
• CV të detajuar;
• Letrën përcjellëse (motivuese) ku theksohet interesimi për praktike;
• Lista e notave nga universiteti përkatës (në rasti se kandidati vazhdon studimet e larta duhet të ketë listën e notave të gjitha semestrave të përfunduar deri në momentin e aplikimit);
• Një letër referencë nga një pedagog/profesor nga universiteti i përkatës apo rekomandim nga universiteti;
• Kopja e letërnjoftimit apo ndonjë dokumentit tjetër identifikues.

Procedura e aplikimit:

• Afati i fundit për aplikim është 7 qershor 2023.
• Aplikimi mund të bëhet përmes postë elektronike në praktika@bqk-kos.org ose të dorëzohet direkt në arkivin e BQK-së, rruga Garibaldi 33, 10000 Prishtinë, Republika e Kosovës.
• Formën e aplikacionit mund ta shkarkoni përmes faqes zyrtare : bqk-kos.org
• Dokumentacionet e pakompletuara nuk do të merren parasysh.

Guvernatori Mehmeti ndau certifikatat për studentët që përfunduan programin e praktikës në BQK

Guvernatori i Bankës Qendrore të Republikës së Kosovës, Fehmi Mehmeti ndau certifikatat për studentët e universiteteve dhe kolegjeve që përfunduan me sukses programin e praktikës për vitin 2018 në BQK.
Guvernatori Mehmeti përgëzoi studentët për punën e tyre të bërë, duke i inkurajuar që të vazhdojnë angazhimin e tyre.
“Banka Qendrore e Republikës së Kosovës do të vazhdoj të mbështes këtë program, duke iu ofruar mundësinë të gjithë studentëve që të mësojnë për praktikat më të mira ndërkombëtare. Organizimi i kësaj praktike tradicionale ka për qëllim t’u mundësoj studentëve lidhjen midis njohurive teorike të fituara gjatë studimeve dhe punës praktike në institucionet publike të pavarura”, tha Guvernatori Mehmeti.
Nga ana tjetër, studentët kanë falënderuar gjithë stafin e BQK-së, për gatishmërinë që t’u ndihmojnë në kryerjen me sukses të praktikës.
Programi i praktikës për studentë i ofruar nga BQK-ja zgjatë një muaj dhe e veçanta e këtij viti ishte pjesëmarrja e studentëve nga Gjermania dhe Italia.
Objektivi kryesor i këtij programi është që me studentët e përzgjedhur të ndahen përvojat e stafit të BQK-së dhe të realizohen projekte konkrete, ndërsa përzgjedhja e kandidatëve të suksesshëm bëhet duke marr parasysh rezultatet e tyre në studime dhe shkallën e motivimit për të bërë praktikë profesionale në BQK.
Gjatë praktikës, studentet e përzgjedhur janë vendosur nëpër njësi organizative të caktuara të BQK-së dhe kanë punuar nën udhëzimet e mbikëqyrësve të njësive përkatëse.

Përfundon programi me studentë për praktikë profesionale në BQK për vitin 2017

Studentë të dalluar nga universitete të ndryshme të Kosovës kanë vijuar programin e praktikës profesionale në BQK i cili është mbajtur për katër javë gjatë muajit korrik dhe gusht 2017. Objektivi kryesor i këtij programi është që me studentë të përzgjedhur të ndahen përvojat e stafit të BQK-së dhe të realizohen projekte konkrete. Përzgjedhja e kandidatëve të suksesshëm bëhet duke marr parasysh rezultatet e tyre në studime dhe shkallën e motivimit për të bërë praktikë profesionale në BQK.

Programi i praktikës profesionale që mbahet gjatë sezonës së verës është programi kryesor i praktikës me studentë. Ky program ofron një mundësi të mirë për studentët për të kuptuar më mirë punët dhe përgjegjësitë që janë të lidhura me aktivitetet kryesore të BQK-së.Kandidatët që vijojnë studimet për master mund të jenë pjesë e kësaj praktike gjithashtu. Praktikantët kryejnë projekte kërkimore dhe hulumtuese nën mbikqyrjen e stafit me përvojë të BQK-së.

Këtë vit, BQK, ka realizuar një hulumtim për të vlerësuar shpenzimet e jorezidentëve gjatë vizitave të tyre në Kosovë. Jorezidentët që vizitojnë Kosovën gjatë sezonës së verës kryesisht janë persona me origjinë kosovare që jetojnë në Gjermani, Zvicër, dhe shtete të tjera. Studentët të udhëhequr dhe mbikëqyrur nga Departamenti i Statistikës, kanë realizuar një anketë në dy pika kufitare të Kosovës (Aeroporti Ndërkombëtar i Prishtinës në Sllatinë dhe në Merdarë në Podujevë), për të intervistuar jorezidentët që janë larguar nga Kosova. Në rolin e anketuesve, studentët kanë siguruar rreth 1500 anketa. Qëllimi kryesor i realizimit të këtij hulumtimi ka qenë mbledhja e informatave për nivelin dhe strukturën e shpenzimeve të jorezidentëve gjatë periudhës së verës në Kosovë. Informatat e grumbulluara janë një burim i rëndësishëm për të rritur kualitetin e vlerësimeve në përpilimin e statistikave të bilancit të pagesave. Për më shumë, këto informata ofrojnë një evidencë të mirë për ndikimin financiar të diasporës në ekonominë e Kosovës.

Me rastin e përfundimit të praktikës profesionale në BQK për pjesmarrësit që kanë vijuar këtë program është organizuar një ceremoni e ndarjes së certifikatave. Me këtë rast, zëvendësguvernatori z. Lulzim Ismajli ka përgëzuar studentët për performancën e treguar, disiplinën në punë dhe përkushtimin në kryerjen e këtij studimi. Ai ka inkurajuar studentët që në vazhdimësi të ndjekin rrugën e avansimit profesional e akademik, që një ditë ndonjëri prej tyre të bëhet pjesë e institucioneve financiare në Kosovë, apo të institucioneve ndërkombëtare ku Kosova është pjesë e tyre. Studentët kanë falënderuar stafin e BQK-së, me theks të veçantë Departamentin e Statistikës, për trajnimet e ofruara dhe përvojën e ndarë me ta. Në fund të ceremonisë, zëvendësguvernatori Lulzim Ismajli u ka ndarë studentëve certifikatat për kompletimin e praktikës profesionale.

Banka Qendrore ndau certifikata për studentët e dalluar që ndoqën Programin e Praktikës në BQK

Banka Qendrore e Republikës së Kosovës në vazhdën e Programit të Praktikës për Studentë, ka mundësuar edhe këtë vit ndjekjen e praktikës për studentët e dalluar të universiteteve dhe kolegjeve të Kosovës në BQK.
Me rastin e përfundimit të Praktikës Profesionale në një ceremoni rasti, Guvernatori Hamza në prani edhe të menaxherëve të BQK-së u ka ndarë certifikata të gjithë studentëve të cilët me sukses kanë ndjekur programin e praktikës. Guvernatori i BQK-së z.Bedri Hamza ka nënvizuar përkushtimin e treguar të studentëve gjatë kohës sa ishin në BQK. Më tej, Guvernatori Hamza duke folur për rolin dhe mundësinë e ofruar për studentët që të ndjekin praktikën në BQK , ka potencuar se ky program është një mundësi e shkëlqyer e cila do të ndikojë në ngritjen e dijeve dhe formësimin e tyre profesional . Po ashtu ai i ka inkurajuar studentët që pas diplomimit të përcjellin konkurset në BQK dhe pse jo ndonjëri nga ta jenë pjesë e BQK-së.
Programi i praktikës për studentë i ofruar nga BQK-ja mundëson lidhjen midis njohurive teorike të fituara gjatë studimeve dhe punës praktike në institucionet publike të pavarura. Ky program zgjatë katër javë dhe nuk nënkupton në asnjë mënyrë ndonjë marrëdhënie formale pune me BQK-në.
Gjatë praktikës studentet e përzgjedhur sistemohen nëpër njësi organizative të caktuara të BQK-së dhe punojnë nën udhëzimet e mbikëqyrësve të njësive përkatëse. BQK-ja inkurajon studentët që të aplikojnë në Programin e Praktikës për Studentë në BQK.

Guvernatori Hamza priti në takim një grup studentësh nga diaspora

Guvernatori i Bankës Qendrore të Republikës së Kosovës (BQK), z. Bedri Hamza, priti në takim një grup studentësh nga vende të ndryshme të diasporës, të cilët i njoftoi me rolin e BQK-së si dhe gjendjen e sektorit financiar dhe ekonomisë së vendit në përgjithësi.
Guvernatori Hamza vlerësoi lartë kontributin e diasporës në procesin e shtetndërtimit dhe të zhvillimit ekonomik të vendit, si dhe nënvizoi hapsirën për rritjen e bashkëpunimit në fushën e ekonomisë përmes mundësive për investime që i ofron Kosova.
Gjithashtu, Guvernatori vlerësoi lartë zhvillimin akademik e profesional të studentëve nga diaspora dhe i inkurajoi ata që të bëhen pjesë e zhvillimit ekonomik dhe institucional të Kosovës. Studentët u njoftuan edhe me programin e praktikës për studentë që ofron Banka Qendrore e Republikës së Kosovës dhe u ftuan nga Guvernatori Hamza që të bëhen pjesë e këtij programi.

Guvernatori Bedri Hamza ndau certifikata për studentët që ndoqën praktikën në BQK

Banka Qendrore e Republikës së Kosovës në vazhdën e Programit të Praktikës për Studentë, ka mundësuar edhe këtë vit ndjekjen e praktikës për studentët e dalluar të universiteteve dhe kolegjeve të Kosovës në BQK.
Me rastin e përfundimit të Praktikës Profesionale në një ceremoni rasti, Guvernatori Hamza në prani edhe të menaxherëve të BQK-së u ka ndarë certifikata të gjithë studentëve të cilët me sukses kanë ndjekur programin e praktikës. Guvernatori i BQK-së z.Bedri Hamza ka nënvizuar përkushtimin e treguar të studentëve gjatë kohës sa ishin në BQK. Më tej, Guvernatori Hamza duke folur për rolin dhe mundësinë e ofruar për studentët që të ndjekin praktikën në BQK , ka potencuar se ky program është një mundësi e shkëlqyer e cila do të ndikojë në ngritjen e dijeve dhe formësimin e tyre profesional . Po ashtu ai i ka inkurajuar studentët që pas diplomimit të përcjellin konkurset në BQK dhe pse jo ndonjëri nga ta jenë pjesë e BQK-së.
Programi i praktikës për studentë i ofruar nga BQK-ja mundëson lidhjen midis njohurive teorike të fituara gjatë studimeve dhe punës praktike në institucionet publike të pavarura. Ky program zgjatë katër javë dhe nuk nënkupton në asnjë mënyrë ndonjë marrëdhënie formale pune me BQK-në.
Gjatë praktikës studentet e përzgjedhur sistemohen nëpër njësi organizative të caktuara të BQK-së dhe punojnë nën udhëzimet e mbikëqyrësve të njësive përkatëse. BQK-ja inkurajon studentët që të aplikojnë në Programin e Praktikës për Studentë në BQK.