02/02/2023

Fondi Monetar Ndërkombëtar ka vlerësuar lart bashkëpunimin me Guvernatorin e Bankës Qendrore të Republikës së Kosovës, Fehmi Mehmeti.
Në një tekst të publikuar FMN ka përmendur asistencën teknike, përmes Rishikimit të Stabilitetit të Sektorit Financiar (Financial Sector Stability Review – FSSR.
Ky institucion ka cituar Guvernatorin Mehmeti, i cili ka thënë se kjo asistencë ka pasur ndikim të madh në sektorin financiar.

Guvernatori i Bankës Qendrore të Republikës së Kosovës, Fehmi Mehmeti, ka thënë se asistenca teknike e Fondit Monetar Ndërkombëtar, përmes Rishikimit të Stabilitetit të Sektorit Financiar (Financial Sector Stability Review - FSSR), ka pasur ndikim të madh në sektorin financiar.

“Mbështetja fillestare na ndihmoi që të vendosim funksionet kryesore të institucionit tonë, duke formësuar strukturën e sistemit tonë financiar si dhe stabilitetin e tij. Mbështetja e vazhdueshme, po na ndihmon në forcimin e qeverisjes dhe kapaciteteve tona teknike, të cilat janë të nevojshme për të përballuar sfidat e reja dhe kompleksitetin në rritje të rreziqeve, dhe pasiguritë globale”, ka deklaruar Guvernatori Mehmeti.

Rishikimi i Stabilitetit të Sektorit Financiar (FSSR) i FMN-së, është një instrument për zhvillimin e kapaciteteve që ofron një bazë diagnostike, identifikon dobësitë kryesore në sistemet financiare dhe kapacitetet institucionale, dhe zhvillon një plan veprimi afatmesëm me prioritet për reformat e sektorit financiar të renditura mirë, dhe gjithashtu plotësohet nga zhvillimi i kapaciteteve përcjellëse aty ku është nevojiten më së shumti.